Sport

Alaba, 99% futbollist i Real Madrid-it


Pas eleminimit të mbrëmshëm përballë PSG-së, duket se ka ardhur koha që gjithçka të zgjidhet te Bayern Munich-u.

Si fillim, futbollistët e tyre duket se kanë në fokus të zgjedhin destinacionin për të ardhmen.

I pari në radhë që do t’i japë lamtumirën “Allianz Arena-s” është David Alaba.

Gazetari i famshëm italian, që specialitet ka transferimet e mëdha, Fabrizio Romano, sot ka kumtuar një lajm të madh.

“David Alaba është 99% i gatshëm që t’i bashkohet Real Madrid-it, ai është 99% futbollist i Real Madrid-it”, tha Fabrizio.

Alaba do t’i bashkohet Real Madrid-it me parametra zero, pasi nuk rinovoi kontratën me bavarezët.

Krejt çfarë ka mbetur të zgjidhet janë detajet e kontratës.

Alaba njihet për gjithëanshmërinë dhe shkathtësinë e tij. Ai është i gatshëm dhe luan mirë në shumë pozita të ndryshme.

Me të ardhmen e Ramos-it që është ende në ajër, nënshkrimi me austriakun Alaba do të jetë shumë i mirëpritur për Zidane-n dhe skuadrën e tij.

Futbollisti më në fund po realizon ëndrën e tij, thotë Fabrizio. Ajo ishte që të luaj për njërin nga gjigantët spanjoll, Real Madrid apo Barcelona.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore