Roma ka njoftuar zyrtarisht se Ivan Juric është trajneri i tyre i ri, vetëm disa orë pasi njoftuan në mënyrë sensacionale se kishin shkarkuar legjendën e klubit Daniele de Rossi.
Ishte si një tronditje lajmi i mëngjesit të së mërkurës kur u konfirmua se De Rossi ishte shkarkuar, veçanërisht pasi ai kishte nënshkruar vetëm kohët e fundit një kontratë të re pasi zëvendësoi Jose Mourinho-n në janar.
Tani , Juric nënshkruan një kontratë njëvjeçare deri në qershor 2025, megjithëse raportohet se ka një opsion për një sezon të dytë.
Juric është një dorë e vjetër në Serie A dhe mbushi 49 vjeç muajin e kaluar, por i kishte skaduar kontrata pasi vendosi të mos e zgjaste periudhën e tij trevjeçare në Torino.
Rolet e tij si trajner janë të shumta në Itali, në Mantova, Crotone, Genoa, Verona dhe Torino.
Kroati është një nga shumë trajnerët aktualë që e mësuan zanatin e tyre nën drejtimin e Gian Piero Gasperini-t, duke punuar si lojtar i tij te Crotone dhe Genoa, pastaj ndihmës menaxher te Genoa, Inter dhe Palermo.
Ai mbërriti në terrenin stërvitor të Trigoria pasditen djeshme dhe mbikëqyri seancën e tij të parë me skuadrën e Roma-s.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Jo më qendra emigrantësh në Shqipëri, Rama: Marrëveshja është ekskluzive për Italinë
-
Akuzohen për vjedhje, AMP ekzekuton masat e sigurisë për 22 punonjës policie në Kukës
-
Çfarë nënkupton zgjedhja e Marta Kos si Komisionere e Zgjerimit?
-
Kurti për doganierin e EULEX-it të vrarë në Veri: U qëllua me gjakftohtësi