![](https://albanianpost.com/wp-content/uploads/2024/04/GKbQjflWwAEhs3L.jpg)
I Dërguari Special i Bashkimit Evropian për dialogun, Miroslav Lajçak, e ka konsideruar “takim të dobishëm”, atë me kryetarin e Këshillit Kombëtar Shqiptar në Serbi, Nevzad Lutfiu, së bashku me deputetin e vetëm shqiptar në parlamentin serb, Shaip Kamberi.
Përmes një shkrimi në rrjetin social ‘X’, Lajçak ka thënë se kanë diskutuar çështje relevante.
“Si pjesë e ndërveprimeve të mia të rregullta me Ballkanin Perëndimor, pata një takim të dobishëm me të në Bruksel. Diskutuam tema të rëndësishme, duke përfshirë të drejtat e njeriut dhe të pakicave, të cilat janë çështje kyçe në procesin e integrimit evropian”, ka shkruar ai.
As part of my regular interactions with the Western Balkans, I had a useful meeting with @shkamberi in Brussels. We discussed important topics, including human and minority rights, which are key issues in the European integration process. pic.twitter.com/h1wkobqcbm
— Miroslav Lajčák (@MiroslavLajcak) April 5, 2024
Kryetari i Këshillit Kombëtar Shqiptar në Serbi, Nevzad Lutfiu, së bashku me deputetin e vetëm shqiptar në parlamentin serb, Shaip Kamberin, janë takuar me të Dërguarin Special të Bashkimit Evropian për dialogun, Miroslav Lajçak, të cilin e kanë njoftuar me sfidat me të cilat ballafaqohen shqiptarët e Luginës më 5 prill.
Lajmi u bë i ditur nga Lutfiu, përmes një shkrimi në rrjetin social Facebook, ku tha se diplomatin sllovak e kanë njoftuar për hezitimin dhe mosgatishmërinë e shtetit serb për të integruar shqiptarët nëpër institucione shtetërore serbe.
“Mos integrimi i shqiptarëve në institucione i bënë institucionet jokredibile e diskriminuese, ndërsa aplikimi i pasivizimit tendencioz në vendet ku jetojnë shqiptarët mundëson ndryshimin e strukturës etnike në ato vendbanime. Medvegja është shembulli më i mirë”, ka shkruar ai të premten.
Mos integrimi i shqiptarëve në institucione, sipas Lutfiut i bënë institucionet jokredibile e diskriminuese, ndërsa aplikimi i pasivizimit tendencioz në vendet ku jetojnë shqiptarët mundëson ndryshimin e strukturës etnike në ato vendbanime.
Përfaqësuesit e Preshevës, Medvegjës dhe Bujanocit – komuna që njihen edhe me termin Lugina e Preshevës vazhdimisht janë ankuar se diskriminohen nga autoritetet në Serbi.
Sipas regjistrimit të fundit të popullsisë, shqiptarët janë pakica e katërt më e madhe në Serbi, përkatësisht në këtë shtet jetojnë 61 mijë e 687 shqiptarë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com