![](https://albanianpost.com/wp-content/uploads/2024/03/heeh.png)
Ministri i Financave, Punës dhe Transfereve, Hekuran Murati, është përgjigjur ndaj kritikave të opozitës lidhur me deklaratat e tyre për mbylljen e bizneseve duke thënë se ka më shumë hapje të bizneseve të reja, sesa mbyllje të atyre të vjetrave.
Murati, në një konferencë për media, ka pohuar se askush s’po e thekson se gjatë viteve të fundit janë hapur 12 mijë biznese.
“Nëse e krahasojmë edhe me numrin e tatimpaguesve, bizneseve tatimpaguese aktive sepse zakonisht kur po flitet për ekonominë opozita ka dëshirë të tregojë se sa biznese janë mbyllur do të thotë janë mbyllur 2 mijë biznese brenda vitit, por s’tregon që janë hapur 12 mijë biznese të reja”, ka thënë Murati.
Tutje ai ka bërë krahasim të tatimpagueseve të bizneseve në vitin 2019 dhe në atë 2023.
“Nëse shohim numrin e tatimpagueseve në vitin 2019 kanë qenë 37 mijë në vitin 2023, është 43 mijë që deklarojnë në mënyrë aktive dhe të rregullt”.
Numri më i madh i bizneseve në Kosovë është mbyllur gjatë pandemisë COVID-19.
Qeveria e Kosovës kishte miratuar pakon e ringjalljes ekonomike, në vlerë prej 420 milionë eurosh.
Në kuadër të kësaj pakoje, bizneset ishin ndihmuar kohë pas kohe.
Sipas të dhënave të Agjencisë për Regjistrim të Bizneseve në Ministrinë e Tregtisë dhe Industrisë në Kosovë, gjatë vitit 2021 janë shuar 1 mije e 330 biznese, të cilat kishin të punësuar rreth 3 mijë e 300 punëtorë.
Derisa gjatë vitit 2020, sipas të dhënave, ishin shuar 1 mijë e 346 biznese.
Lajmi në përditësim…
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com