![](https://albanianpost.com/wp-content/uploads/2024/01/420052694_710787737827526_1190731414868531288_n.jpg)
Një kontingjent i ushtarakëve të Forcës së Sigurisë së Kosovës është dislokuar në Britaninë e Madhe për të mbështetur operacionin INTERFLEX, operacion ky ushtarak shumëkombësh i udhëhequr nga Britania për të trajnuar dhe mbështetur Forcat e Armatosura të Ukrainës.
Dislokimin në fjalë e ka njoftuar Ambasada e Britanisë së Madhe në Kosovë.
Sipas Ambasadës, Ministria e Mbrojtjes dhe FSK-ja kanë ofruar gatishmëri për angazhimin e instruktorëve për të ndihmuar procesin stërvitor të Ushtrisë Ukrainase në kuadër të këtij operacioni.
“Kosova ka mbështetur dhe demonstruar solidaritet me Ukrainën dhe popullin ukrainas që nga fillimi i luftës. Operacioni INTERFLEX zhvillohet në Mbretërinë e Bashkuar dhe ka për qëllim stërvitjen e trupave të ushtrisë ukrainase”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com