![](https://albanianpost.com/wp-content/uploads/2022/03/Bujar-Osmani.jpg)
Ajo çfarë është e vërtetë në këtë fazë, thekson ministri i Punëve të Jashtme të Maqedonisë së Veriut, Bujar Osmani, është se ka lëvizje të cilat mund të shkojnë në drejtim të një eskalimi të mundshëm në Ballkanin Perëndimor, konkretisht në Kosovë.
“Ne si vend i rajonit i ndjekim me vëmendje të gjitha këto lëvizje, por konstatimi është ky”, ka thënë Osmani.
Megjithatë, sipas tij, përshkallëzimi bazuar në informacionet dhe nga pikëpamja e një organizate siç është NATO, mund të mos ndodhë menjëherë.
“Aktualisht ka ndryshuar pikëpamja pas ngjarjes së 24 shtatorit në Banjë, i cili për qëllim kishte vendosjen e kufijve të rinj”, ka shtuar ai.
Kryediplomati i Maqedonisë së Veriut tha se më i leverdishëm është integrimi i komuniteti serb në institucione në Kosovë, se sa organizimi në geto etnik.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com