Misioni Paqeruajtës i NATO-s në Kosovë (KFOR), ka thënë se për arrestimin e tre serbëve të dyshuar për krime lufte në Kosovë më 20 shtator, u informuan nga Policia e Kosovës.
KFOR-i në një përgjigje për Albanian Post ka thënë se policia ua ka kumtuar lajmin atyre një ditë pas ngjarjes.
“Arrestimi i tre serbëve të Kosovës më 20 shtator ishte komunikuar nga Policia e Kosovës vetëm një ditë pas kësaj ngjarjeje”, thuhet në përgjigjen e KFOR për AP.
Tutje ata kanë rikujtuar deklaratën e Sekretarit të Përgjithshëm të NATO-s, Jans Stoltenberg gjatë konferencës për media me presidenten e Kosovës, Vjosa Osmani.
“Siç ka thënë Sekretari i Përgjithshëm i NATO-s, “ka nevojë për koordinim dhe konsultime të ngushta ndërmjet autoriteteve në Prishtinë dhe KFOR-it për çdo dislokim që mund të ndikojë në qëndrimin tonë dhe sigurinë në Kosovë”.
Ai po ashtu ka bërë të qartë se, “ne presim konsultim me kohë dhe kuptimplotë për çdo veprim të Forcës së Sigurisë së Kosovës apo Policisë së Kosovës që mund të ndikojë në mjedisin e sigurisë”.
Nga KFOR-i është potencuar se komandanti i KFOR-it, gjeneralmajor Angelo Ristuccia, mbetet në kontakt të rregullt me Policinë e Kosovës dhe Misionin për Sundimin e Ligjit të udhëhequr nga BE-ja, në përputhje me procedurën për koordinim paraprak që tashmë është rënë dakord mes këtyre.
Më 21 shtator, Gjykata Themelore në Prishtinë, me kërkesë të Prokurorisë Speciale të Kosovës, ka caktuar masën e paraburgimit prej 30 ditësh (veç e veç) kundër të akuzuarve serbë – Ilija Elezoviç, Dragan Miloviç dhe Zoran Kosti – të cilët dyshohen për “krime lufte kundër popullatës civile” në Kosovë (1998-1999).
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Luhrmann: Në përpjekjet e Sarrazinit për të gjetur zgjidhjen më të mirë të mundshme, duhet të angazhohet edhe Qeveria e Kosovës
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel
-
MPB-ja s’e komenton kërkesën e Vuçiçit për kthimin e serbëve në Policinë e Kosovës
-
Procesi i Berlinit dhe masat e BE-së kundër Kosovës, në fokus të takimit Osmani-Lührmann
Lajmet kryesore
-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Amerika e mban Ukrainën duke luftuar me duart e lidhura
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel