Paralajmërimi i Macron për rishikimin e vendimit për vizat nuk i drejtohet konkretisht Serbisë, thotë ministri francez
![](https://albanianpost.com/wp-content/uploads/2023/09/f83abc969909b91642acfac4a6dbe1c94c5ccf58.jpg)
Presidenti i Francës, Emmanuel Macron, javë më parë potencoi se njëra ndër masat që mund të merret ndaj Kosovës dhe Serbisë nëse ato “nuk sillen me përgjegjësi” në procesin e dialogut është edhe shqyrtimi i regjimit të vizave për të dy vendet, megjithatë për ministrin për Tregtinë e Jashtme të Francës, Olivier Becht, ky paralajmërim i Macron ndonëse është jashtëzakonisht i qartë nuk i drejtohet konkretisht Serbisë.
“Mesazhi i Presidentit të Republikës ishte jashtëzakonisht i qartë dhe nuk i drejtohej konkretisht Serbisë”, thotë Becht në një intervistë për mediumin serb, Blic.
Sipas tij Franca pret ri-angazhim të qartë të të dyja palëve në dialog konkretisht që Kosova dhe Serbia të angazhohen për de-përshkallëzimin në Veri të Kosovës, për mbajtjen e zgjedhjeve dhe për kthimin e serbëve në institucionet e Kosovës.
“Kosova dhe Serbia duhet të angazhohen edhe në zbatimin e Marrëveshjes së Brukselit dhe Ohrit duke përfshirë themelimin e Asociacionit të Komunave me Shumicë Serbe, përndryshe do të ketë pasoja negative për palën ose palët që nuk përmbushin angazhimet e tyre”.
Urgjenca e nevojës në normalizimit të raporteve në mes të Kosovës dhe Serbisë, sipas ministrit francez, kërkon që gjërat të thuhen hapur, veçanërisht në kontekstin aktual gjeopolitik.
“Zbatimi i Marrëveshjes së Brukselit dhe Ohrit është çelësi për zgjidhjen e kësaj çështjeje. Ajo rendit të gjitha çështjet e diskutueshme. Është e vetmja mënyrë e mundshme për normalizimin e marrëdhënieve, e cila është një kusht i domosdoshëm për hyrjen e të dy vendeve në Bashkimin Evropian. Ne do të vazhdojmë përpjekjet tona për ta arritur këtë. Me zbatimin e suksesshëm të Marrëveshjes së Brukselit dhe Ohrit, zbatohen kushtet politike për integrimin evropian të të dy vendeve dhe më gjerë të Ballkanit Perëndimor”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti, delegacionit gjerman: Hulumtoni mundësitë dhe përparësitë që i ofron Kosova për investitorët e huaj
-
Gërvalla, presidentit të Komitetit të Ministrave të KiE-së: I kemi plotësuar të gjitha kushtet për anëtarësim
-
LDK: Edhe një vendim anti-kushtetues i Qeverisë
-
Partitë kryesore spanjolle kundërshtojnë njohjen e pavarësisë së Kosovës
Lajmet kryesore
-
Zbardhen bisedat e skemës abuzive te Onkologjiku: Mjekët dërgonin pacientët te privati, ilaçet për tumorin i çonin nëpër farmaci
-
BSH: Investimet e huaja në pasuri të paluajtshme rritje me 71%
-
Presidenti kenian zotohet të rivendosë rendin pas protestave vdekjeprurëse për rritjen e taksave
-
Kurti, delegacionit gjerman: Hulumtoni mundësitë dhe përparësitë që i ofron Kosova për investitorët e huaj