Osmani pas takimit me Rutte dhe Bettel: Kosova ka dëshmuar vullnet për shtensionim të situatës në Veri
![](https://albanianpost.com/wp-content/uploads/2023/07/347397491_282810481074281_3050422289476248525_n.jpg)
Presidentja e Kosovës, Vjosa Osmani pas takimit me kryeministrin e Holandës Mark Rutte dhe atë të Luksmeburgut, Xavier Better, është thënë se ka diskutuar për situatën aktuale politike dhe të sigurisë në vend, forcimin e marrëdhënieve trepalëshe, nxitjen e bashkëpunimit dhe diskutimin në fushat kryesore me interes të përbashkët.
Përmes një komunikate për media nga Zyra e Presidencës është thënë se Kosova është e përkushuar që sfidat t’i tejkalojmë me partnerë e aleatë.
“Presidentja Osmani tha se Kosova ka demonstruar vullnet për deeskalim, duke ofruar organizimin e zgjedhjeve të reja në veri të vendit dhe se vendosja e rendit dhe e ligjit është në përputhje me investimin ndër vite të shteteve të BE-së me qëllim të promovimit, mbrojtjes dhe sundimit të ligjit në gjithë territorin e Republikës së Kosovës”, thuhet në komunikatën e Zyrës së Presidencës.
Tutje, presidentja ka shprehur përkushtimin e institucioneve të Kosovës që sfidat t’i tejkalojnë me partnerë dhe aleatë.
“Në këtë kontekst, presidentja Osmani potencoi se sulmet ndaj Policisë së Kosovës, EULEX-it, KFOR-it, qytetarëve dhe gazetarëve nga strukturat ilegale dhe kriminale në veri të vendit, nuk duhet të mbeten pa u ndëshkuar”.
![](https://albanianpost.com/wp-content/uploads/2023/07/347411761_282810484407614_7060438333187712449_n.jpg)
Ndër të tjera, Osmani u sqaroi kryeministrave se vazhdon të jetë palë konstruktive edhe në procesin e dialogut me Serbinë.
“Kurse në raport me procesin e dialogut me Serbinë, Presidentja Osmani tha se Kosova vazhdon të jetë palë konstruktive, derisa Serbia refuzon zbatimin e marrëveshjeve të arritura, sikurse edhe shkelë marrëveshjen e fundit të Brukselit të arritur në Ohër”, thuhet në komunikatë.
Osmani dhe kryeministrat Rutte e Bettel, thuhet se kanë diskutuar edhe për mundësitë për rritjen e bashkëpunimit bilateral në fusha të ndryshme të interesit të përbashkët.
“Presidentja Osmani falënderoi Holandën dhe Luksemburgun për mbështetjen në procesin e liberalizimit të vizave për Kosovën dhe nënvizoi vlerat dhe qëllimet e përbashkëta që lidhin të tri vendet evropiane së bashku”.
“Më tej, Presidentja Osmani theksoi se aplikimi i Kosovës për anëtarësim në Këshillin e Evropës dhe në BE, janë orientim strategjik, ndaj shtroi nevojën e mbështetjes dhe përshpejtimit të anëtarësimit të Kosovës në këto dy organizata”.
Pas takimit me Osmanin edhe kryeministri i Luksemburgut Xavier Buttel dhe ai i Holandës, Mark Rutte kanë mbajtur një konferencë të përbashkët me kryeministrin e Kosovës Albin Kurti, ku kanë folur për situatën aktuale në Kosovë, raportet me Serbinë dhe miqësinë e Kosovës mes të dyja shteteve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com