Një autobus i linjës Flixbus u përmbys dhe përfundoi në argjinaturat e një autostrade italiane mëngjesin e sotëm, në rrugën Napoli-Canosa, në territorin e komunës së Vallesaccarda, pasi ka përplasur dy makina të ndaluara në korsi për shkak të përplasjeje që kishin pasur më parë.
Më pas kanë mbërritur tre makina të tjera dhe janë përfshirë në aksident. Bilanci i aksidentit është një i vdekur dhe 14 të plagosur.
Nga një rikonstruksion fillestar, makinat pushtuan pothuajse të gjithë korsinë e autostradës për shkak se u përfshinë në një aksident.
Në këtë përplasje ka gjetur vdekjen e menjëhershme një drejtues automjeti, i cili është flakur jashtë nga makina e tij si pasojë e përplasjes.
Autobusi ka mbërritur pak minuta më vonë në vendin e aksidentit. Por shoferi nuk ka mundur të shmangë përplasjen me makinat.
Mjeti është përmbysur dhe ka përfunduar në argjinaturën në krahun e djathtë të rrugës. Përplasja ndërkohë u zbut nga pemët buzë rrugës.
Autobusi, i cili u nis nga Lecce në orën 23:00 të së shtunës së 3 qershorit për në Romë Tiburtina me mbërritjen e planifikuar në orën 7 të mëngjesit, kishte 36 pasagjerë dhe dy shoferë në bord.
Në vendngjarje zjarrfikësit të cilët me ndihmën e një vinçi kanë nxjerrë mjetin nga skarpata për të kontrolluar nëse ka viktima të tjera.
Tre nga 14 të plagosurit – dy veçanërisht në gjendje të rëndë – u transportuan në Ariano Irpino, tre të tjerë në Avellino dhe tetë në Benevento.
Viktima ndërkohë ende nuk është identifikuar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti beson se Kosova është e gatshme për hapjen e negociatave për anëtarësim në BE
-
“Jam i gëzuar që do bashkëpunoj me një profesor si Mickoski – kemi program fantastik me VMRO-në”, Arben Taravari intervistë për Albanian Post
-
Në ujërat greke, aty ku vendet evropiane mësojnë të luftojnë pa ndihmën amerikane
-
Operacion antidrogë në Tiranë: Lëshohen 30 urdhërarreste, sekuestrohen mbi 3 kg kokainë
Lajmet kryesore
-
“Jam i gëzuar që do bashkëpunoj me një profesor si Mickoski – kemi program fantastik me VMRO-në”, Arben Taravari intervistë për Albanian Post
-
Puna e detyruar, çfarë parashikon projektligji i ri për studentët e mjekësisë
-
Në ujërat greke, aty ku vendet evropiane mësojnë të luftojnë pa ndihmën amerikane
-
E enjtja e interpelancave – Opozita kërkon sqarime nga dy ministra