![](https://albanianpost.com/wp-content/uploads/2023/04/0af6b1f6a399d0eb432bd0e396df65c9o2.jpg)
Real Madrid-i e ka deklasuar Valladolid-in duke e mposhtur me rezultat 6:0 në ndeshjen e javës së 27-të në La Liga.
Në këtë sukses, sulmuesi i madrilenëve, Karim Benzema, theu një rekord personal, duke e shënuar “hat-trick”-un e parë në pjesën e parë me fanellën e Real Madrid-it.
Seria e golave u hap në minutën e 23-të, kur Rodrygo shënoi një gol të bukur pas asistimit të Marco Asensio-s.
Pastaj erdhi radha e “Benzema show”. Francezi shënoi tre golat e radhës për Real-in brenda shtatë minutave.
https://twitter.com/MadridTotal_/status/1642541035262705665?s=20
Goli i tij i parë erdhi në minutën e 29-të, kur Vinicius Junior asistoi te francezi që realizoi për 2:0.
Të dytin, fituesi i Topit të Artë e shënoi në minutën e 32-të, kur u asistua nga Vinicius.
Ndërsa goli i tretë për Benzema-n erdhi në minutën e 36-të, kur përsëri u asistua nga Rodrygo.
⚽ 72' | 5-0 | ¡¡¡GOOOOOOOOOOOOOOOOOOOOOOL de @marcoasensio10!!!#RealMadridRealValladolid | #FIFA23 pic.twitter.com/FZOy6GxV0l
— Real Madrid C.F. (@realmadrid) April 2, 2023
Pjesa e parë përfundoi me epërsi të katërfishtë te vendasve, derisa në të dytën, Carlo Ancelotti e largoi nga loja Benzema-n.
Në pjesën e dytë, Reali arriti të shënojë edhe dy herë tjera, kur Marco Asensio realizoi në minutën e 73-të, pas asistimit të Rodrygo-s.
Ndërsa krejt në fund të ndeshjes shënoi edhe Lucas Vasquez, i asistuar nga Eden Hazard.
Me këtë sukses, ekipi i Ancelotti-t shkon në kuotën e 59 pikëve në vendin e dytë, por përsëri mbetet 12 pikë prapa Barcelonës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com