![](https://albanianpost.com/wp-content/uploads/2022/01/AP22012726448686-scaled.jpg)
Chelsea janë kualifikuar në finalen e EFL Cup, pasi kanë mposhtur Tottenham Hotspur në gjysmëfinale.
Blutë e Londrës fituan me rezultat 0:1 përballë Tottenham.
Ndeshja ishte e baraspeshuar dhe me shumë mundësi për të dy skuadrat.
Chelsea gjetën golin e fitores në pjesën e parë, me anë të Antonio Rudiger, i cili shënoi me një goditje të fortë me kokë.
Pjesa e dytë kishte po ashtu shumë mundësi të cilat skuadrat nuk i shfrytëzuan.
Në minutën e 64-të, Harry Kane shënoi për të barazuar rezultatin, por goli u anulua për shkak se kapiteni anglez ishte në pozicion jashtë loje.
Chelsea do presin fituesin e ndeshjes Liverpool – Arsenal në finale, e cila do luhet nesër në ora 20:45.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com