Tanimë, që nga 1 janari, paga minimale në Shqipëri është 32 mijë lekë, ndryshe sa ishte më parë.
Ky vendim hyn në fuqi pas botimit në “Fletoren Zyrtare” dhe zbatohet nga sot.
Paga bazë minimale mujore jepet për 174 orë pune në muaj.
Ndërkohë nga 1 korriku i i 2022-shit, të gjithë të punësuarit me të ardhura nga 150- 200 mijë lekë, do të tatohen në 13%, nga 23% që ishte më parë.
Edhe në prezantimin e projekt-buxhetit për vitin 2022, ministrja e Financave dhe Ekonomisë në Shqipëri, Delina Ibrahimaj, tha se fondi vjetor për rritjen e pagave është planifikuar në shumën 2.4 miliardë lekë.
Kjo parashikon rritjen e pagës për funksion me 6% për punonjësit shëndetësor dhe ata arsimorë.
Një ditë më parë, Rama njoftoi se, të gjithë të punësuarit do të përjashtohen nga tatimi mbi të ardhurat deri në fashën e 40 mijë lekëve.
Aktualisht, me taksën progresive, rrogat deri në 30 mijë lekë nuk tatohen.
Pagat mbi 30 mijë lekë deri në 150 mijë lekë tatohen 13% e shumës mbi 30 mijë lekë.
Nga rritja e pragut të pataksueshëm, sipas kryeministrit Rama, do të përfitojnë 63% e të punësuarve në Shqipëri.
Ai e ka konsideruar taksën e sheshtë si “të pandershme”, pasi “favorizon më të pasurit”.
Kreu i qeverisë deklaroi se qeveria ka aplikuar tanimë taksën zero për bizneset e vogla dhe ka rritur pagën minimale.
Po ashtu, Rama ka thënë më parë se socialistët synojnë që paga minimale e punonjësve në Shqipëri të jetë 40 mijë lekë. Kryeministri më parë është shprehur se, “sipas një plani të mirëstudiuar”, nga viti i ardhshëm, paga deri në 40 mijë lekë nuk do të tatohet.
Ai pohoi se do të përjashtohet nga fasha e progresivitetit të lartë kategoria që paguhet me paga më të larta, për shkak të kualifikimit të tyre.
“Do të ulet tatim-fitimi për pagën dhe për ata që marrin nga 120 mijë deri në 250 mijë lekë”.
“Nuk do të rrisim asnjë qindarkë pagën e ministrave dhe të deputetëve, siç nuk e kemi rritur nga dita e parë dhe nuk do të ulim taksën e fitimit të më të pasurve. Ka qenë dhe do të jetë 15% deri në 2025”, ka premtuar ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Policia ngre alarmin për disa “mesazhe mashtruese” që vjedhin llogaritë e mediave sociale
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Gonzato thotë se korrupsioni mbetet ndër tre shqetësimet themelore për rininë shqiptare
Lajmet kryesore
-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Amerika e mban Ukrainën duke luftuar me duart e lidhura
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel