Një javë pas marrjes nën kontroll të talebanëve, të paktën 28 mijё njerëz janë evakuuar deri tani nga Afganistani dhe dhjetëra mijëra të tjerë janë ende në pritje.
Mijëra njerëz janë përpjekur të largohen nga Afganistani, ndërsa shumë kanё gjetur vdekjen. Afganët i frikësohen hakmarrjes dhe nënshtrimit të rreptë të talebanëve, të cilët e rimorën vendin më 15 gusht, pas dy dekadash.
Turmat janë rritur në aeroport, duke penguar operacionet, ndërsa Shtetet e Bashkuara të Amerikës (SHBA) dhe kombet e tjera po përpiqen të evakuojnë mijëra diplomatë dhe civilë të tyre, si dhe afganë të shumtë që kanë punuar për ata.
Nënat, baballarët dhe fëmijët janë ngritur kundër mureve të betonit të shpërthyer në përpjekje për të kërkuar një fluturim jashtë.
Sipas deklaratave zyrtare dhe raporteve lokale, të paktën 28 mijё njerëz janë evakuuar deri më tani.
SHBA-tё, tё cilat kanё vendosur mijëra trupa për të siguruar aeroportin, vendosёn si afat pёrfundimtar pёr evakuimiet fundin e muajit gusht.
Megjithatё, ka deri në 15 mijё amerikanë dhe 50 deri në 60 mijё aleatë afganë, që duhet të evakuohen, sipas administratës së presidentit amerikan Biden.
Gjeneralmajori i ushtrisë, William Taylor, me Shtabin e Përbashkët të ushtrisë amerikane, tha në një konferencë për Pentagonin se 5 mijё e 800 trupa amerikanë mbeten në aeroport dhe se objekti “mbetet i sigurt”.
Abdul Qahar Balkhi nga Komisioni Kulturor i Talebanëve fajësoi SHBA-tё për kaosin në aeroport, në një intervistë me Al Jazeera.
“Ёshtë për të ardhur keq që njerëzit po turren ashtu drejt aeroportit. Ne kemi shpallur një amnisti të përgjithshme për të gjithë në forcat e sigurisë, nga niveli i lartë deri në atë të ulët. Kjo frikë, kjo histeri që ka ndodhur, është e pabazë”, tha Balkhi.
Sekretari amerikan i Shtetit, Antony Blinken, të shtunën tha se 13 vende kanë rënë dakord deri më tani t’i presin të paktën përkohësisht afganët mё tё rrezikuar nё Afganistan.
Në një deklaratë, ai tha se refugjatët potencialë afganë, që nuk janë pastruar tashmë për zhvendosje në SHBA, do të vendosen në Shqipëri, Kanada, Kolumbi, Kosta Rika, Kili, Kosovë, Maqedonia e Veriut, Meksikë, Poloni, Katar, Ruanda, Ukrainë dhe Uganda.
Vendet tranzit përfshijnë Bahreinin, Mbretërinë e Bashkuar, Danimarkën, Gjermaninë, Italinë, Kazakistanin, Kuvajtin, Katarin, Taxhikistanin, Turqinë, Emiratet e Bashkuara Arabe dhe Uzbekistanin.
Sipas njё deklarate tё Shtëpisё sё Bardhë, presidenti Joe Biden pritet të japë një përditësim të dielën mbi situatën e evakuimit të qytetarëve dhe refugjatëve amerikanë nga Afganistani.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
