“Të paktën 20 persona janë vrarë javën e kaluar gjatë evakuimeve përreth aeroportit të Kabulit”, ka njoftuar NATO.
Një zyrtar i NATO-s, e përshkroi gjendjen para aeroportit në Kabul si një tragjedi.
Turmat janë rritur në aeroport çdo ditë gjatë javës së kaluar, duke penguar operacionet ndërsa Shtetet e Bashkuara të Amerikës dhe kombet e tjera po përpiqen të evakuojnë mijëra diplomatë dhe civilë të tyre, si dhe afganë të shumtë.
“Forcat tona po mbajnë një distancë të rreptë nga zonat e jashtme të aeroportit të Kabulit për të parandaluar çdo përplasje me talebanët,” shtoi zyrtari i NATO -s.
Marrja e shpejtë e talebanëve, ka ngjallur frikë nga hakmarrjet dhe një kthim në versionin e ashpër të ligjit islamik që grupi mysliman ushtroi kur ishte në pushtet dy dekada më parë.
Çfarë ka ndodhur deri më tani?
Militantët talebanë, të mërkurën e 18 gushtit kanë rrethuar aeroportin ndërkombëtar të Kabulit me pika kontrolli sigurie. Ky veprim ka ngritur shqetësimin se grupi do të parandalojë qindra afganë të largohen nga vendi pasi qeveria e mbështetur nga SHBA-të u rrëzua.
Talebanët janë kthyer në pushtet 20 vjet pasi një ndërhyrje e udhëhequr nga SHBA-të i rrëzoi ata në 2001-shin.
Grupi islamik ishte në gjendje të merrte kontrollin pasi shumica e trupave të huaja u tërhoqën.
Përparimi rrufe i talebanëve gjatë 10 ditëve bëri që dhjetëra mijëra njerëz të largohen nga shtëpitë e tyre – shumë prej të cilëve mbërritën në kryeqytetin afgan, Kabul. Ndërsa të tjerë u nisën drejt vendeve fqinje.
Me rënien e Kabulit, kryeqytetit afgan, solli largimin e presidentit Ashraf Ghani të dielën e 15 gushtit.
Shumë banorë të dëshpëruar u drejtuan pastaj drejt aeroportit ku trupat amerikane po organizonin evakuime për të huajt dhe afganët e cenueshëm.
Kush janë talebanët?
Talebanët, ose “studentët” në gjuhën Pashto, u shfaqën në fillim të viteve 1990 në Pakistanin verior pas tërheqjes së trupave sovjetike nga Afganistani.
Në shtator 1995 ata pushtuan krahinën e Herat-it, në kufi me Iranin, dhe saktësisht një vit më vonë ata kapën kryeqytetin afgan, Kabul – duke përmbysur regjimin e presidentit, Burhanuddin Rabbani.
Deri në vitin 1998, talebanët kishin nën kontroll gati 90% të Afganistanit. Ndërsa forcat e huaja të udhëhequra nga SHBA-të filluan tërheqjen nga Afganistani pas 20 vitesh lufte, talebanët nisën të merrnin nën kontroll vendin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Pse Putin e ka hequr aleatin nga posti i ministrit të Mbrojtjes së Rusisë?
-
Von der Leyen injoron të djathtën në Itali, takohet me Tajanin ndërsa eviton Melonin
-
Arrestohet trafikanti më i kërkuar i qenieve njerëzore në Evropë
-
Muhaxheri: Sveçla është në koordinim me Serbinë për sa i përket konfiskimit të armatimit në Veri
Lajmet kryesore
-
Policia konfiskon armë në Veri, i dyshuar është një ish-zyrtar policor
-
Wisner nga Kukësi: Presim përparim për hidrocentralin e Skavicës
-
Von der Leyen injoron të djathtën në Itali, takohet me Tajanin ndërsa eviton Melonin
-
Pas kërkesës së Bardhit, SPAK cakton 24 majin për dëshminë e tij lidhur me dosjen ‘Xibraka’