Lyon dhe Clermont u përballën në ndeshjen hapëse të ditës së dielë në ligën franceze.
Dy skuadrat vinin në këtë ndeshje befasisht në pozita krejt ndryshe nga çfarë ishte pritur nga dy ndeshjet e para.
Lyon-i kishte vetëm një pikë nga gjashtë të mundshme, kurse Clermont gjashtë nga gjashtë.
Pjesa e parë ishte shumë e mirë për Lyon-in, që shënoi katër herë, tre në portën e Clermont e njëherë në të tyrën.
Dembele shënoi dy herë, një herë nga penalltia e një herë nga loja e rregulltë.
Paqueta e shënoi të treti e Diomande shënoi autogol.
Pjesa e dytë po shkonte shumë mirë për Lyon-in, derisa në lojë u fut Elbasan Rashani, sulmuesi i Kosovës.
Rashani ishte heroi absolut i kësaj ndeshje, duke shënuar dy herë për të barazuar rezultatin dhe për t’i mohuar fitoren e parë Lyon-it.
Fillimisht në minutën e 82-të, ai shënoi shumë bukur me një goditje mbi portjerin.
#OLCF63 (3-2) – BUT DE RASHANI !!! https://t.co/ECgmMAX8tJ
— GOALS LIGUE 1 (@GOALSLIGUE1) August 22, 2021
Kurse, në minutën e parë shtesë, pas një këndore, ai kërceu më së larti, duke shënuar me kokë për 3-3.
#OLCF63 (3-3) – ÉGALISATION DE RASHANI !!! L'OL EST PUNI https://t.co/8pSvVIfEHK
— GOALS LIGUE 1 (@GOALSLIGUE1) August 22, 2021
Rashani është shpallur edhe lojtari i ndeshjes pas 20 minutave heroike në “Groupama Stadium”.
Clermont mbetet befasisht e pamposhtur pas tre ndeshjesh, me 7 pikë.
Lyon-i thellohet në krizë, me vetëm dy pikë pas tre takimesh.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Jo më qendra emigrantësh në Shqipëri, Rama: Marrëveshja është ekskluzive për Italinë
-
Akuzohen për vjedhje, AMP ekzekuton masat e sigurisë për 22 punonjës policie në Kukës
-
Çfarë nënkupton zgjedhja e Marta Kos si Komisionere e Zgjerimit?
-
Kurti për doganierin e EULEX-it të vrarë në Veri: U qëllua me gjakftohtësi