Mbrojtësi gjerman i Bayern Munich-ut, Niklas Sule nuk do të jetë pjesë e bavarezëve për sezonin e ardhshëm.
Drejtori ekzekutiv i Bayern-it, Oliver Kahn-i ka konfirmuar raportet mbi të ardhmen e Sule-s. ish-portieri legjendar i bavarezëve dhe Gjermanisë, ka pohuar se ky sezon është i fundit për 26-vjeçarin me fanellën e Bayern-it.
“Ai nuk e ka pranuar ofertën tonë. Ne kemi një përgjegjësi të caktuar për ofertat që bëjmë”, tha Kahn këtë të mërkurë për gazetarët.
Bayern-i pagoi 20 milionë euro në 2017 për ta transferuar Sule-n nga Hoffenheim-i. Ai ka kryer 158 paraqitje me bavarezët ku ka shënuar gjashtë gola dhe katër asistime.
Për Sule-n interesohen shumë skuadra nga Premier League, si dhe Barcelona.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Rama reagon për dokumentarin e Rai 3: Emision me shpifje, u skandalizova nga qasja kriminale
-
Hasani me homologun kroat: Dialog intensiv politik mes dy qeverive, mirënjohës për mbështetjen
-
Ku mund ta zhvendosë Hamasi degën e tij politike?
-
Pasi punësoi familjarin dhe ia mundësoi vajzës së saj punë praktike, Gërvalla ndalon punësimin e familjarëve në MPJD
