Formula 1 ka anuluar çmimin e madh të Rusisë që ishte paraparë të zhvillohej në muajin shtator.
Sporti më i shpejtë në botë, ka qenë një ndër sportet që ka reaguar shumë ndaj sulmeve të ushtrisë ruse mbi Ukrainën.
Pasi skuadra e Haas, vendosi që të largojë të gjitha simbolet ruse duke hequr nga makina e saj edhe sponsorin kryesor, UralKali, sot ka vepruar edhe FIA.
Organi më i lartë i garave automobilistike, ka vendosur që Formula 1 nuk do të garojë në Rusi, në garën e Sochi-t këtë vit.
Me një komunikatë zyrtare, shkruhet:
“Kampionati i Formula 1 viziton shtete në të gjithë botën, me vizion pozitiv që të bashkojë njerëzit dhe të sjellë shtetet së bashku”, nis komunikata.
“Ne po përcjellim nga afër zhvillimet në Ukrainë me mërzi dhe të shokuar, me shpresën që të arrihet paqe për situatën aktuale”.
“Të enjten në mbrëmje, FIA, F1 dhe skuadra disktuan për pozitën e sportit tonë, dhe kemi vendosur që është e pamundur të zhvillohet gara e Rusisë në kushtet aktuale”.
Pas këtij vendimi, mundësitë janë të mëdha që piloti i vetëm rus në F1, Nikita Mazepin, të largohet nga Haas deri në një vendim tjetër.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”