Presidentja e Zvicrës, Viola Amherd, ka vlerësuar përkushtimin e Kosovës për procesin e paqes në Ukrainë.
Këto komente Amherd i bëri pas takimit me presidenten e Kosovës, Vjosa Osmani, nëpërmjet një postimi në platformën sociale, X.
“Në prag të Samitit, ishte kënaqësi të diskutojmë për mundësitë e pafundta të thellimit të bashkëpunimit, me ç’rast roli i mërgatës sonë në forcimin e partneritetit në mes të dy vendeve tona është i pazëvendësueshëm”, shkroi Osmani pas takimit.
Osmani falënderoi Amherd për përkrahjen e vazhdueshme ndaj Kosovës.
“Kosova është përherë mirënjohëse për mbështetjen e fortë të Zvicrës përgjatë çdo etape”.
Osmani të premten udhëtoi në Zvicër për të marrë pjesë në Samitin e nivelit të lartë të Paqes për Ukrainën.
Në këtë samit liderët botëror do të diskutojnë për rëndësinë dhe mënyrat e vazhdimit të mbështetjes për Ukrainën.
Osmani është paralajmëruar se do të ketë edhe takime të tjera.
“Përgjatë qëndrimit në Zvicër, presidentja kosovare do të zhvillojë edhe takime bilaterale me liderë të tjerë botëror”.
Osmani gjatë samitit pritet ta riafirmojë përkushtimin e Kosovës për ta vazhduar mbështetjen për Ukrainën deri në fitore si dhe do të flasë për rëndësinë e mbështetjes gjithëpërfshirëse globale për t’u arritur paqe afatgjate dhe e qëndrueshme.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjuriç në takim me Borellin, pretendon se po cenohet siguria e serbëve të Kosovës
-
Fajon: Anëtarësimi i shteteve të Ballkanit në BE të bëhet tani ose kurrë më
-
FSK-ja realizon trajnim me ushtrinë amerikane për ngritje të kapaciteteve të artilerisë
-
AAK-ja thotë se do t’i rritë pagat e punëtorëve të arsimit për 50 për qind
Lajmet kryesore
-
Raporti i OLAF 2023 ‘nxin’ Shqipërinë për keqpërdorimin e fondeve të IPARD II
-
Nephew në Tiranë: Në fokus rëndësia për të eleminuar pandëshkueshmërinë
-
Të dyshuarit për dhunë në familje nuk mund të zotërojnë armë, vendos Gjykata e Lartë e SHBA-ve
-
Fajon: Anëtarësimi i shteteve të Ballkanit në BE të bëhet tani ose kurrë më