Zvicra do të bëhet për herë të parë importues neto i djathit

Zvicra do të importojë më shumë djathë sesa eksporton këtë vit për herë të parë, sipas kreut të shoqatës së qumështit të vendit.

Hapja e tregut zviceran të qumështit ka shtrënguar prodhuesit vendas në vitet e fundit, duke bërë që disa të heqin dorë, tha Boris Beuret për gazetën “Le Temps” me bazë në Gjenevë në një intervistë të botuar të shtunën.

Beuret tha se duhen marrë masa për të siguruar që Zvicra – e famshme në mbarë botën për varietetet e djathit me cilësi të lartë si Gruyère dhe Emmentaler – mund të vazhdojë të prodhojë për popullsinë e saj.

“Nëse jo, atëherë do të përfundojmë duke importuar (djathë), gjë që do të ishte absurde ekonomikisht, socialisht dhe ekologjikisht”, citohet të ketë thënë ai.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.