Kompania e video-konferencave, Zoom Video Communications Inc, ka njoftuar se ka krijuar një fond prej 100 milionë dollarësh për të investuar në kompanitë fillestare të programeve, të cilat ndërtojnë aplikacione duke përdorur teknologjinë e saj.
Agjencia e lajmeve, Reuters, tregon se Zoom-i është shndërruar në një emër të rëndësishëm gjatë pandemisë teksa bizneset dhe shkollat u zhvendosën në platformën e saj.
Mirëpo, ajo nuk ka qenë kompania e vetme që ka ofruar shërbimin e shumëkërkuar të përdoruesve gjatë kësaj periudhe. Edhe rivalët e saj, Teams i Microsoft-it dhe Webex i Cisco Systems, kanë qenë pjesë e tregut të video-konferencave.
Kelly Steckelberg, zyrtarja kryesore financiare i Zoom-it, është shprehur për Reuters se fondi do të shërbejë për kryerjen e investimeve nga 250 mijë dollarë dhe 2.5 milionë dollarë te kompanitë që ndërtojnë Zoom Apps dhe që hyjnë në program për të shtuar veçori të reja.
Kjo për të inkurajuar zhvilluesit që të krijojnë funksione të reja. Madje fondi do të jetë i hapur edhe për ofruesit e aplikacioneve telemjekësore apo prodhuesit e pajisjeve të dhomave për konferencave që duan të prekin sistemet e videove të bazuara në cloud-in e Zoom-it.
Sipas Steckelberg-ut, fondi do të drejtohet nga bilanci i kompanisë më shumë se sa nga një njësi e pavarur e kapitalit sipërmarrës. Kjo nuk do të kërkojë marrjen e vendeve në bordin e kompanisë ku investon.
“Kjo me të vërtetë do të ndihmojë në investimin e zhvilluesve në fazat e hershme dhe tërheqjen e hershme nga tregu…ajo është padyshim në linjat e të qenit një investitor strategjik”, ka shtuar ajo.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Macron, Kurtit: Franca do progres të shpejtë në çështjen e Asociacionit sidomos në kontekstin e Këshillit të Evropës
-
Përgatiten avionët e parë me refugjatë drejt Ruandës, Sunak: Marrëveshja me Shqipërinë reduktoi me 90% gomonet
-
Pentagoni, 1 miliard dollarë ndihmë të re ushtarake për Ukrainën
-
Pas reagimit të Ramës, drejtuesi i Report thotë se do të ketë emision tjetër rreth Shqipërisë