![](https://albanianpost.com/wp-content/uploads/2024/08/122222.jpg)
Para pak minutave ka nisur intervenimi i misionit të NATO-s në Kosovë, KFOR-it në Prevallë, pasi ky fshat turistik – konkretisht mali Oshlak – që nga 8 gushti ishte përfshirë nga zjarri.
Lajmi është bërë i ditur nga një banor i cili për Albanian Post tha se “intervenimi po ndodh nga ajri nëpërmjet helikopterëve”.
Në një bisedë për Albanian Post, një banor pati treguar se në këtë zonë zjarri që nga e enjtja nuk ishte ndalur, madje tha se rreziku ishte shtuar dhe që zjarri “është 150 metra afër shtëpive”.
Ai tha se zjarri kishte depërtuar edhe te një pjesë e pishave tek Parku Kombëtar. “Ky park i ka disa pisha të veçanta që vijnë turistët enkas për këto pisha”, shtoi.
Banori pati treguar se tashmë është vështirë të kalohet kjo gjendje, derisa pati thënë se institucionet relevante nuk ishin duke e menaxhuar mirë këtë situatë.
Ai ishte shprehur i bindur se po të ndërmerreshin masa me kohë situata nuk do arrinte deri këtu.
Tutje, shpjegoi se banorët kishin tentuar të marrin masa vetë për këtë rast, por mungesa përvojës në këso situatash ua kishte pamundësuar që të ndalojnë këtë zjarr.
Por, ndryshe nga banori patën pretenduar nga Komuna e Prizrenit.
Përmes një postimi në Facebook, nga kjo komunë njoftuan se kryetari Shaqir Totaj, ka zhvilluar të martën një takim me shtabin emergjent për gjendjen me zjarre në Prevallë, derisa patën thënë se e njëjta është nën kontroll.
Agjencia për Menaxhimin Emergjent, kishte njoftuar se nuk ka rrezik për jetë dhe pasuri të banorëve nga zjarri i përhapur në parkun nacional të Prevallës.
Sipas njoftimit të Ministrisë së Punëve të Brendshme, në operacion për fikjen e zjarrit përpos zjarrfikësve dhe shpëtuesve nga Prizreni ishin angazhuar edhe komunat e tjera si Gjakova, Prishtina dhe Ferizaj.
Ndërkaq, Parku Kombëtar Sharri, i cili merret me mbikëqyrjen e fshatit turistik, Prevalla, pati kërkuar ndihmën e institucioneve të Kosovës për shuarjen e zjarrit.
Situata, sipas Parkut Kombëtar të Sharrit, ishte alarmante.
“Për shkak të konfiguracionit të terrenit me rrezikshmëri të lartë, në pamundësi të intervenimit nga toka, ftojmë të gjitha institucionet si KFOR-i, FSK-ja dhe institucionet relevante për intervenim nga ajri me Helikopter”, thuhej në reagimin e tyre.
Në të kundërtën, sipas tyre, gjendja me zjarret po merrte përmasa katastrofale dhe me rrezikshmëri të lartë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Katër të rinjve serbë u caktohet masa e arrestit shtëpiak
-
Krasniqi thotë se s’ka institucione paralele të Serbisë më në Veri
-
BE-ja dhe KFOR-i dematojnë Osmanin, insistojnë që hapja e urës së Ibrit është çështje e dialogut
-
Shtohet numri i Njësisë Speciale afër stacionit policor në Mitrovicë të Veriut
Lajmet kryesore
-
“Tentuan ta shkëpusin Veriun nga Kosova e t’ia bashkojnë Serbisë” – aktakuza e Speciales për Radojiçiç-in me bashkëpunëtorë
-
Pas dy muajsh protestë në aksin Thumanë-Kashar, pranohet kërkesa e banorëve për hyrje – dalje në zonat e tyre
-
Inflacioni në SHBA bie në 2.5% në gusht
-
BE-ja dhe KFOR-i dematojnë Osmanin, insistojnë që hapja e urës së Ibrit është çështje e dialogut