Zhvillohen tetë ndeshjet e fundit të fazës së grupeve në Ligën e Kampionëve

Sonte (e mërkurë) do të zhvillohen edhe tetë ndeshjet e fundit të fazës së grupeve në Ligën e Kampionëve.

Prej këtyre ndeshjeve, gjashtë ekipe tashmë e kanë siguruar kualifikimin nga grupet, derisa mbetet të mësohen edhe dy të tjera.

Situata më interesante është në Grupin E, ku Milan apo Salzburg do t’i bashkohen Chelsea-t, tashmë lider i konfirmuar i këtij grupi.

The round of 16 is in sight! 🙏

Predict 1 player to dominate the headlines at full time 📰#UCL pic.twitter.com/lcN0B7dDzF

— UEFA Champions League (@ChampionsLeague) November 2, 2022

Pra, do të jetë ndeshja vendimtare mes tyre. Kuqezinjtë do të jenë nikoqir i austriakëve, ndeshje në të cilën do t’iu mjaftonte qoftë një barazim për të vazhduar tutje.

Në anën tjetër, Chelsea do të përballet në shtëpi me Dinamo Zagreb, që për kroatët fitorja do të vlente shumë për një kualifikim eventual në fazën e eliminimit të Ligës së Evropës.

Gjithashtu mbetet të shihet edhe në Grupin F se kush do ta marrë pozitën e dytë. Real Madrid tashmë e ka siguruar vendin e parë në këtë grup, por mbetet të diskutohet mes Leipzig-ut dhe Shakhtar Donetks se kush do ta vazhdojë garën.

Gjermanët do të luajnë në udhëtim te ukrainasit, ku këta të fundit do të duhet ta fitonin këtë ndeshje për ta rrëmbyer vendin e dytë.

Pra, momentalisht Leipzig ka nëntë pikë, e Shakhtar gjashtë, por me pikë të barabarta, skuadra kampione e Ukrainës vazhdon tutje për shkak të ndeshjeve direkte që është më e mirë.

Grupi G tashmë është konfirmuar, me Manchester City-n në vendin e parë, Dortmund në të dytin dhe Sevilla do të vazhdojë në Ligën e Evropës.

Confirmed for the round of 16 ✅
🏆 Most likely to go all the way? #UCL pic.twitter.com/HzdOQvMO78

— UEFA Champions League (@ChampionsLeague) November 1, 2022

Kurse për Ligën e Evropës mbetet të luftohet në Grupin H. Juventus dhe Maccabi Haifa kanë nga tre pikë, të cilat do të garojnë për vendin e tretë.

Këto dy ekipe do të përballen me liderët e grupit, PSG dhe Benfica, të cilat gjithashtu kërkojnë fitore për ta marrë vendin e parë.

Kujtojmë që në mbrëmjen e kaluar u kualifikuan: Napoli, Liverpool, Porto, Club Brugge, Bayern Munich, Inter, Tottenham, Eintracht Frankfurt.

Ndërsa në Ligën e Evropës vazhduan: Ajax, Bayer Leverkusen, Barcelona, Sporting Lisbon.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.