Zhduken dy persona në Ferizaj

Policia e Kosovës ka njoftuar të dielën për dy raste të zhdukjes në qytetin e Ferizajt.

“Ankuesi mashkull kosovar, ka raportuar se bashkëshortja e tij, ka dalë nga banesa dhe nuk dihet asgjë për vendndodhjen e saj. Rasti nën hetime”, thuhet në raportin 24-orësh të policisë.

Rastin e dytë e ka raportuar në polici një burrë, i cili ka thënë se nuk di asgjë për vendndodhjen e djalit të tij.

“Ankuesi mashkull kosovar, ka njoftuar policinë se djali i tij, ka dalë nga shtëpia nuk dihet për vendndodhjen e tij. Rasti nën hetime”, thuhet në njoftim.

Ndërsa dy persona janë intervistuar të shtunën, më 29 qershor, nga policia pasi dyshohet se janë kacafytur me njëri-tjetrin në Gazimestan, më 28 qershor.

Sipas organeve të rendit personat në fjalë janë parë duke u kacafytur në një video të publikuar në rrjete sociale.

Me vendim të prokurorit rasti ka shkuar në procedurë të rregullt. Ndërkaq në Shtërpcë është arrestuar një person për kanosje.

Sipas raportit të PK-së, i dyshuari pas një mosmarrëveshje rreth një prone, ka kanosur një burrë dhe një grua.

“Është arrestuar i dyshuari mashkull kosovar, pasi që i njëjti pas një mosmarrëveshje rreth pronës ka kanosur dy viktimat një mashkull dhe një femër kosovarë”.

Ndryshe, i dyshuari me vendim të prokurorit i dyshuari është dërguar në mbajtje.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.