Mahsa Amini, një grua 22-vjeçare iraniane, ka vdekur disa ditë pasi u arrestua nga “policia e moralit”.
Kjo, pasi dyshohet se nuk respektoi rregullat strikte për mbulimin e kokës.
Lajmi u bë i ditur nga agjencitë perëndimore, duke cituar raportimet lokale.
Dëshmitarët okularë thanë se Amini u rrah ndërsa ishte brenda një furgon policie kur ajo u kap në Teheran të martën.
Policia i ka mohuar akuzat, duke thënë se viktima “papritur kishte pësuar një problem në zemër”.
Kjo është ngjarja e fundit në një seri raportimesh për brutalitetin ndaj grave në Iran gjatë javëve të fundit.
Policia e Teheranit tha se zonja Amini ishte arrestuar për “justifikim dhe edukim” në lidhje me hixhabin, shaminë e cila është e detyrueshme për të gjitha gratë.
Vdekja e saj vjen pas raporteve në rritje për akte represive kundër grave.
Kjo, duke përfshirë ato që gjykohen se nuk janë në përputhje me kodin islam të veshjes, duke u ndaluar të hyjnë në zyrat qeveritare dhe bankat.
Shumë iranianë, përfshirë individë pro-qeveritar, po shprehin zemërimin e tyre në platformat e mediave sociale në lidhje me vetë ekzistencën e policisë së moralit.
Ajo njihet gjithashtu si “Patrulla Udhëzuese”, dhe po përdorin hashtags që përkthehen si “Patrulla Vrasjeje”.
Në mediat sociale janë shfaqur video që shfaqin oficerët që i ndalojnë gratë, i tërheqin zvarrë në tokë dhe i largojnë me forcë.
Shumë iranianë fajësojnë drejtpërdrejt liderin suprem, Ali Khamenei.
Një fjalim i tij i vjetër po rishpërndahet në rrjetet sociale, në të cilin ai justifikon rolin e policisë së moralit dhe këmbëngul se nën sundimin islam, gratë duhet të detyrohen të respektojnë kodin islamik të veshjes.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mes debatesh miratohet në Këshillin Bashkiak të Roskovecit ndërtimi i Termocentralit në Suk 1
-
Edhe Britania e do Asociacionin sa më shpejt që të jetë e mundur
-
Foshnja Sabreen – simbol i shpresës në Gaza – nuk ia doli
-
Bardhi thotë se Rama ka frikë nga interpelanca, radhit 4 fakte dhe shtron 4 pyetje publike për kryeministrin
Lajmet kryesore
-
Të ‘mbarojmë punë me Rai-n’, pastaj radha për interpelancë me Bardhin, thotë Rama
-
Bardhi thotë se Rama ka frikë nga interpelanca, radhit 4 fakte dhe shtron 4 pyetje publike për kryeministrin
-
Amerika autorizon Ukrainën të godasë Krimenë me raketa me rreze të gjatë
-
Edhe Britania e do Asociacionin sa më shpejt që të jetë e mundur