“Nuk mund të ketë dialog me liderin aktual rus, i cili nuk ka të ardhme”.
Kështu deklaroi presidenti ukrainas Volodymyr Zelensky në Telegram duke iu drejtuar udhëheqësve të G7.
Ai bëri me dije se mund të ketë bisedime vetëm me një lider tjetër të Rusisë “i cili respekton Kartën e OKB-së, parimet themelore të njerëzimit dhe integritetin territorial të Ukrainës”.
Zelensky deklaroi se ka vetëm një person që po bllokon paqen tani dhe “ky person është në Moskë”.
Më herët gjatë ditës sotme, ministrja e Jashtme indoneziane Retno Marsudi konfirmoi se presidenti rus Vladimir Putin dhe Zelensky do të marrin pjesë në samitin e G20 në Bali.
Kujtojmë, sipas deklaratës së Presidentit të Indonezisë Joko Widodo, Putin dhe lideri kinez Xi Jinping do të marrin pjesë në samitin e G20, i cili do të mbahet në ishullin Bali në nëntor.
Në gusht, Shtëpia e Bardhë deklaroi se Zelensky duhet të jetë i pranishëm nëse Putin është gjithashtu atje.
Vetë Zelensky deklaroi se pjesëmarrja e Ukrainës në samitin e vjeshtës të G20 do të varet nga situata e sigurisë në vend dhe nga përbërja e pjesëmarrësve të samitit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Agalliu kërkon interpelancë me Kaçiun, për rastin e Onkologjikut
-
Gazetari i Wall Street Journal në bankën e të akuzuarve teksa në Rusi nis gjyqi “fals”
-
Rama mbron gazetarët dhe kritikon prokurorët: Kur del “sekreti”, hetoni ata që e nxjerrin
-
Gërvalla: KiE të marrë sa më shpejtë një vendim për Kosovën
