![](https://albanianpost.com/wp-content/uploads/2024/05/Pamja-e-ekranit-2024-05-27-112602.jpg)
Rep artistja Nicki Minaj u kërkoi falje fansave jashtë hotelit të saj në Mançester për shtyrjen e një shfaqjeje në Mbretërinë e Bashkuar pasi u ndalua nga autoritetet holandeze me akuzat se posedonte lëndë narkotike.
“Ju dua dhe më vjen shumë keq për atë që ndodhi”, tha Minaj në një video të postuar në rrjetet sociale.
Minaj më herët kishte zbuluar emrin e hotelit të saj në Mançester në një postim në X, dhe kishte ftuar fansat ta shihnin atë.
“Unë po shkoj në ballkon, kështu që nëse jeni jashtë do të mund t’ju shoh dhe mund të zbres poshtë. Unë do të jem atje për rreth një orë”, tha ajo.
Megjithëse Minaj u lirua nga paraburgimi nga policia pak orë pas arrestimit, koncerti, i caktuar për t’u mbajtur në Mançester në të njëjtën natë, dështoi të mbahej.
Në një deklaratë të publikuar nga Live Nation dhe nga vendi i koncertit Co-op Live, organizatorët thanë se ishin “thellësisht të zhgënjyer” nga shqetësimi i shkaktuar.
“Pavarësisht përpjekjeve më të mira të Nickit për të eksploruar çdo rrugë të mundshme për të realizuar shfaqjen e sotme, ngjarjet e sotme e kanë bërë të pamundur”, u tha në deklaratën e publikuar.
Në një video të artistes hip-hop – e cila më vonë u shpërnda në internet nga llogari të ndryshme të mediave sociale – Minaj dëgjohet duke folur me policinë në aeroportin Schiphol të Amsterdamit teksa mbante telefonin e saj me kamerë.
Në klip, Minaj shihet duke u nxjerrë nga automjeti i saj dhe i kërkohet të hipë në një furgon policie. Kur ajo e pyet pse i thanë të hipte në furgon, një zyrtar e informon atë se është “nën arrest”, duke shtuar më vonë për “bartje droge”.
Minaj përgjigjet: “Unë nuk mbaj drogë” dhe kërkon vazhdimisht adresën e komisariatit dhe të ketë një avokat prezent gjatë gjithë klipit, ndërsa policia i kërkon të ndalojë xhirimet.
Kur CNN kontaktoi autoritetet e Amsterdamit me emrin e Minaj, Onika Tanya Maraj-Petty, policia ushtarake e Holandës, e njohur si Marechaussee Mbretërore e Holandës, tha se arrestoi një grua 41-vjeçe amerikane me “drogë të lehta” në aeroportin Schiphol.
“Pas konsultimit me Prokurorinë Publike, e dyshuara ka pranuar një gjobë monetare dhe tani i është lejuar të vazhdojë udhëtimin e saj”, vazhdoi në deklaratë.
Minaj aktualisht është në turneun e saj “Pink Friday 2 World Tour” në mbështetje të albumit të saj të fundit, të publikuar në fund të vitit të kaluar.
@dailymail Nicki Minaj filmed her arrest on Instagram Live when she was stopped in Amsterdam for carrying drugs. After denying the claims, the rapper refused to get into the police vehicle because no lawyer was present. The Super Bass singer was on her way to Manchester for the next stop on her Pink Friday 2 Tour. In an Instagram post Minaj said, ‘This is what it looks like when [people] are paid big money to try to sabotage a tour after all else failed. Everything they’ve done is illegal. It is unclear if Minaj went to the precinct. 🎥 @nickiminaj via Instagram #news #breakingnews #nickiminaj #barbz #amsterdam #arrest #nickiminaj ♬ original sound – Daily Mail
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kompanitë më të mëdha muzikore në botë padisin kompanitë e inteligjencës artificiale mbi shkeljen e të drejtave autoriale
-
Avokati i Britney Spears, Mathew Rosengart, nuk e përfaqëson më këngëtaren pas përfundimit të procesit gjyqësor për konservatorin e saj
-
Kujt i flet “Fatalita”? – Enada Hoxha tregon mbi mesazhin e fortë të shfaqjes për Albanian Post
-
Agim Doçi, poeti nga Shqipëria që e deshi si askush tjetër Kosovën
Lajmet kryesore
-
Zbardhen bisedat e skemës abuzive te Onkologjiku: Mjekët dërgonin pacientët te privati, ilaçet për tumorin i çonin nëpër farmaci
-
BSH: Investimet e huaja në pasuri të paluajtshme rritje me 71%
-
Presidenti kenian zotohet të rivendosë rendin pas protestave vdekjeprurëse për rritjen e taksave
-
Kurti, delegacionit gjerman: Hulumtoni mundësitë dhe përparësitë që i ofron Kosova për investitorët e huaj