Zbulohet telefoni i ardhshëm i palosshëm i Samsung-ut

Telefoni i palosshëm i parashikuar nga Samsung-u për vitin 2022 është zbuluar nga SmartPrix, nga burime të besueshme.

Pamjet e telefonit Galaxy Z Fold 4 tregojnë një dizajn të përgjithshëm të ngjashëm me paraardhësin e tij, Z Fold 3.

Me një ekran mbulesë 6.2 inç dhe një ekran të brendshëm të palosshëm 7.6 inç, por me një konfigurim të ridizajnuar të kamerës së pasme të frymëzuar nga Galaxy i këtij viti S22 Ultra.

Ekrani i brendshëm besohet se do të ketë edhe një kamerë selfie nën ekran.

Versioni i ri i këtij viti ka siguruar përmirësime të performancës, të cilat janë shumë të nevojshme.

Mbrapa ka tre kamera të pasme, njësoj si vitin e kaluar, por SmartPrix nuk ofron asnjë detaj se cilat mund të jenë specifikat e tyre.

So… Here comes your very first look at the #Samsung #GalaxyZFold4! (360° video + gorgeous 5K renders + dimensions) #FutureSquad

This exclusive comes on behalf of @Smartprix -> https://t.co/TJAHf06oAS pic.twitter.com/ByxZYJov9p

— Steve H.McFly (@OnLeaks) May 11, 2022

Sakaq, nuk ka asmjë shenjë për një shkrues S-Pen, për të cilin është raportuar se do të vinte në pajisjen e palosshme të këtij viti.

Z Fold 3 ofronte mbështetje S-Pen, por nuk kishte vend të integruar për ta ruajtur atë. Në vend të kësaj, klientët duhej të blinin një kuti telefoni për ta vendosur atë.

Po ashtu pretendohet se dimensionet e ekranit të Z Fold 4 do të jenë paksa të ndryshme nga viti i kaluar, me një ekran të brendshëm që është një inç më i madh dhe një ekran të jashtëm një inç më të vogël.

Deri më tani nuk ka asgjë zyrtare se kur mund të dali Z Fold 4, por SmartPrix raporton se mund të ketë një njoftim në gusht ose shtator.

Për referencë, Z Fold 3 i vitit të kaluar u prezantua në fillim të gushtit.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.