Zbulohet shtatorja e ish-kryeministrit britanik Tony Blair në Ferizaj

Është zbuluar shtatorja prej dy metrash e ish-kryeministrit të Mbretërisë së Bashkuar, Tony Blair në Ferizaj.

Në këtë ngjarje ka marrë pjesë ambasadori i Britanisë së Madhe në Kosovë, Jonathan Hargreaves.

Ai ka folur edhe në emër të Blair-it, i cili nuk e pati të mundur të ishte prezent në këtë ngjarje.

“Është nder i madh privilegj të jem këtu. Do të doja të filloja fjalimin duke përcjell mesazhin nga Tony Blair që kishte planifikuar të ishte këtu për këtë rast, por fatkeqësisht i ndryshuan planet e tij”, tha Hargreaves.

Ndryshe, më 10 qershor, Blair, vizitoi Kosovën dhe u takuar me krerët e shtetit e mbajti një fjalim në Kuvend.

Ndërkaq, komuna e Prishtinës, e ka nderuar atë me “Çelësin e Qytetit”, e po ashtu e ka shpallur “Qytetar nderi të Prishtinës”.

Blair, ka qenë kryeministër i Britanisë së Madhe në kohën e bombardimeve të NATO-s ndaj caqeve ushtarake dhe policore serbe.

Kujtojmë se Blair iu drejtua Parlamentit të Britanisë së Madhe më 23 mars 1999 duke thënë se ”çdo fshat shqiptar në rajonin e Drenicës është në flakë”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.