Wizz Air parashikon më shumë humbje gjatë këtij 3-mujori

Wizz Air, linja ajrore me kosto të ulët, ka parashikuar rritje të humbjeve gjatë sezonit dimëror. Kjo, për shkak të ndikimit të variantit të coronavirus-it, Omicron.

Megjithatë, shprehen zëdhënësit, pritet që ringjallja e kërkesës për pasagjerë të sjellë një rikthim të fitimit.

Linja ajrore më e listuar në bursën e Londrës raportoi këtë të mërkurë një humbje operative prej 213.6 milionë eurosh për tre muajt e fundit të 2021-shit.

Kjo periudhë konstaton me shfaqjen e variantit Omicron dhe kufizimeve të udhëtimit, të cilat prishën rimëkëmbjen e brishtë të sektorit të aviacionit.

Humbjet operative do të zgjeroheshin edhe “pak” në tremujorin aktual, përpara se të kthehej kërkesa për udhëtime, thanë zëdhënësit e kompanisë Wizz.

Shefi ekzekutiv i Wizz-it, Jozsef Varadi, tha se linja ajrore duhej të ulte çmimet e biletave për të inkurajuar njerëzit të udhëtonin.

Ryanair, kompani tjetër me çmim të lirë, njoftoi para Krishtlindjeve se humbjet e saj për vitin 2021 mund të dyfishoheshin më shumë, pasi shkurtoi oraret e fluturimeve si pasojë e masave të përhapjes së variantit Omicron.

Bordi i linjës ajrore vitin e kaluar i ofroi Varadit një bonus prej 100 milionë sterlinash nëse ai mund të rriste çmimin e aksioneve të linjës ajrore, ndërsa industria po rikuperohej nga pandemia.

Avionët e kompanisë ajrore fluturuan më shumë milje gjatë pjesëve më të ngarkuara të sezonit të Krishtlindjeve sesa në vitin 2019 dhe punësuan më shumë njerëz se përpara krizës.

“Ne vazhdojmë të mbështesim zgjedhjet tona strategjike për të investuar në flotën tonë, për të rritur bazat e rrugët tona dhe për të ulur kostot, në mënyrë që të përfitojmë nga tregu i krijuar në vazhdën e COVID-19”, tha Varadi.

Marrë nga “Financial Times”, përshtatur për Albanian Post!

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.