Pas përfundimit të vizitës në New York të Shteteve të Bashkuara të Amerikës, në një intervistë për Radio Televizionin e Serbisë, RTS, presidenti i Serbisë, Aleksandar Vuçiç, ka potencuar se bisedat me liderët botërorë për Kosovën “nuk kanë qenë të lehta”, pa dhënë detaje shtesë për këtë çështje meqë, sipas tij, “kjo është marrëveshja”.

“Ne kemi pikëpamje të ndryshme për çështje të caktuara, na takon ne të vazhdojmë të sillemi me përgjegjësi”, ka deklaruar ai.

Vuçiç ka potencuar se nga këto takime ka arritur të kuptojë se cilat shtete qëndrojnë prapa veprimeve të kryeministrit të Kosovës, Albin Kurtit, në Veri të Kosovës.

“Arrita gjithashtu të kuptojë se kush nuk i mbështet këto veprime të Kurtit”, ka shtuar ai.

Vuçiç ka vlerësuar se çështja e Kosovës aktualisht “një nyje e ndërlikuar”.

“Por, ne duhet të ruajmë paqen në njërën anë, dhe në anën tjetër të ruajmë jetën, mbijetesën dhe përparimin për popullinë tonë në Kosovë”.