Presidenti i Serbisë, Aleksandër Vuçiç, një intervistë për televizionin serb Pink.rs, ka thënë se “ka presion të madh” për ta njohur Kosovën, por ka theksuar se nuk do ta bëjë një gjë të tillë.
“BE-ja kërkon që ta njohim Kosovën de facto dhe de jure, mos gënjeni se kjo nuk është e vërtetë, ajo në thelb po e kërkon këtë”, tha Vuçiç.
Megjithatë, ai e ka pranuar se Kosova është një çështje që është pengesë në politikën e brendshme.
“Nuk do të pajtohemi kurrë për Kosovën. Ne mund të gënjejmë veten se jemi dakord për këtë çështje, sigurisht që nuk jemi. Natyrisht, një pjesë thotë dorëzo Kosovën, do të jetojmë më mirë”, potencoi kreu i shtetit serb.
Në këtë intervistë, Vuçiç foli edhe për avancimin e ushtrisë serbe, duke shtuar se ajo ka bërë përparime të mëdha.
“Sot jemi një superfuqi tankesh, e cila mund të ndikojë ndjeshëm në situatën në Ukrainë, por na mungojnë njerëzit. Na mungon ekuipazhi. Do të kemi makineri të fuqishme, por nuk ka njerëz”.
Ai po ashtu ka njoftuar se aktualisht janë duke u ndërtuar 12 autostrada dhe po aq duhet të ndërtohen në të ardhmen.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
