![](https://albanianpost.com/wp-content/uploads/2024/06/vucevic.jpg)
Kryeministri i Serbisë, Millosh Vuçeviç, do të marrë pjesë në konferencën dyditore ndërkombëtare “Paqja dhe Zhvillimi i Qëndrueshëm” në Athinë të Greqisë, ku pritet të takojë edhe Emisarin Special të Bashkimit Evropian (BE) për dialogun ndërmjet Kosovës dhe Serbisë, Mirosllav Lajçak, njoftoi të hënën Qeveria e Serbisë, transmetoi agjencia serbe e lajmeve.
Vuçeviçi pritet të takojë Lajçakun në orën 19:10 të hënën në mbrëmje, në kuadër të konferencës që zhvillohet midis 17 dhe 18 qershorit në kryeqytetin grek. Kryeministri i Serbisë do të flasë në panelin “Perspektiva e anëtarësimit të Ballkanit Perëndimor në BE”. Megjithatë, ekzekutivi serb nuk ka dhënë detaje të tjera për takimin e paralajmëruar midis Vuçeviçit dhe Lajçakut.
Ndryshe, një prej protagonistëve kryesorë që aktualisht mbulon pjesën më të madhe të përpjekjeve evropiane për të gjetur “formulën e zgjidhjes” në kuadër të procesit të dialogut për normalizimin e marrëdhënieve Kosovë-Serbi pritet të marrë post të ri diplomatik brenda pak javësh. Lajçaku do të vazhdojë karrierën diplomatike në pozitën e ambasadorit të BE-së në Zvicër.
Kosova dhe Serbia arritën një marrëveshje për rrugën drejt normalizimin e marrëdhënieve nën mandatin e Lajçakut, fillimisht më 27 shkurt 2023 në Bruksel të Belgjikës, pastaj për planin e sekuncimit të së njëjtës marrëveshje më 18 mars 2023 në Ohër të Maqedonisë së Veriut. Megjithatë, diplomati sllovak i BE-së ende nuk ka arritur t’i bindë palët ta zbatojnë të njëjtën.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti uron Berset: Kosova thellësisht e përkushtuar për vlerat themelore të Këshillit të Evropës
-
Bajrami thotë se raporti që iu dërgua BE-së për Banjën është “faktik” dhe “bindës”
-
“Pa u sanksionuar Serbia, s’do të ketë dialog”: Kurti harron kushtin e vendosur vetë pas Banjskës
-
Sarrazin: Është në interes të Rusisë destabilizimi i Ballkanit Perëndimor