Vritet një grua në Qendrën për Punë Sociale në Ferizaj, plagoset një burrë

Një grua ka mbetur e vrarë në Qendrën për Punë Sociale në Ferizaj.

Lajmin për Albanian Post e ka konfirmuar zëdhënësi i Policisë së Kosovës për rajonin e Ferizajt, Kanun Veseli.

“Me datën 12.04.2024 në ora 14:40 kemi pranuar një informatë se në Qendrën për Punë Sociale në Ferizaj ka të shtëna me armë zjarri . Për pasoj nga të shtënat e armës së zjarrit një person e gjinisë femërore ka ndërruar jetë në vendin e ngjarjes, kjo është konfirmuar nga mjekët kujdestarë”.

Ndërsa, ka bërë të ditur se edhe një mashkull tjetër ka mbetur i plagosur i cili është duke u trajtuar në institucionet shëndetësore.

“Është plagosur një person mashkull , i cili është dërguar në Qendrën Emergjente në Ferizaj”.

I dyshuari nga policia është thënë se vazhdon të jetë në arrati.

“I dyshuari pasi ka shtënë me armë zjarri është larguar në drejtim të panjohur. Ekipe të policisë menjëherë kanë rrethuar zonën dhe në ora 15:15 kanë arritur që të arrestojnë të dyshuarin e kësaj ngjarje”.

Veseli, shtoi se ekipet e hetuesisë janë duke vazhduar të qëndrojnë në vendin e ngjarjes deri në ekzaminimin e vendit.

Kurse është thënë se për të gjitha veprimet policore është njoftuar prokurori i shtetit.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.