Vrasja e Oliver Ivanoviç-it, Serbia: Aktgjykimi është i montuar politikisht, të dënuarit janë viktima të Kurtit
![](https://albanianpost.com/wp-content/uploads/2024/06/GJK.jpg)
Lista Serbe dhe e ashtuquajtura Zyrë për Kosovën në Qeverinë e Serbisë, kanë reaguar lidhur me vendimin e Gjykatës Themelore të Prishtinës, e cila të premten, shpalli aktgjykim dënues për të akuzuarit në rastin e vrasjes së politikanit serb në Kosovë, Oliver Ivanoviç-it.
Siç propagandon Lista Serbe, vendimi i Gjykatës ka qenë e “pabazuar”, meqë “nuk i ka poseduar të gjitha provat”.
Aktgjykimi, siç ka pretenduar kjo parti, ka qenë i “montuar politikisht”.
“Populli serb e di se ky gjyq është një farsë dhe ata kurrë nuk do ta shohin Rosiç-in, Spasojeviç-in, Nedeljkoviç-in dhe Jovanoviç-in si fajtorë për vrasjen e Oliverit, por si viktima të Albinit”, ka propaganduar kjo parti.
Nedelkjo Spasojeviç është dënuar me 4 vjet e 6 muaj burgim, duke u llogaritur edhe paraburgimi dhe arresti shtëpiak.
Spasojeviç gjithashtu është dënuar me gjobë prej 4 mijë e 500 euro, me opsion të zëvendësohet me burgim.
Marko Roshiç është dënuar me 10 vjet burgim, duke llogaritur paraburgimin dhe arrestin shtëpiak, dhe është gjobitur me 10 mijë euro me opsion të zëvendësohet me burgim.
Dragisha Markoviç dhe Zharko Jovanoviç janë dënuar me nga 4 vjet burgim.
Ndërkohë Jovanoviç-it i është shqiptuar edhe gjoba prej 1 mijë e 500 euro, me opsion të zëvendësohet me burgim.
Në anën tjetër, Silvana Arsoviç është liruar nga akuza.
Ndërkohë si skandaloze e ka cilësuar e ashtuquajtura Zyrë për Kosovën në Qeverinë e Serbisë aktgjykimin e Gjykatës Themelore të Prishtinës.
është cilësuar aktgjykimi
“Vendimi i sotëm është i motivuar politikisht dhe i udhëzuar për të kriminalizuar edhe më tej popullin serb në Kosovë, me qëllim që Prishtina të fshehë të vërtetën”, ka pretenduar kjo e ashtuquajtura Zyrë.
Ivanoviç u vra më 16 janar të vitit 2018 para ndërtesës së partisë në Mitrovicën e Veriut – komunë e banuar me shumicë serbe – në pjesën veriore të Kosovës.
Ivanoviç ishte qëlluar me armë zjarri me 6 plumba përballë zyrave të partisë së tij.
Vetura “Opel Astra” pa targa të regjistrimit e me xhama të errësuar, nga e cila ishte gjuajtur në drejtim të të ndjerit Ivanoviç ishte gjetur tërësisht e djegur në ora 09:15 min në rrugën “Vojvode Putnika”.
Vrasja e Oliver Ivanoviç-it, 4 të akuzuarit dënohen me mbi 20 vjet burgim
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Qeveria ndalon TikTok-un në institucionet publike
-
Serbia po shndërron në vepra fjalimin makabër të Millosheviç-it, thotë Kurti
-
Kurti sulmon Kushtetuesen pas vendimit për Ligjin për Byronë: Zgjodhi ta vonojë ndjekjen e krimit
-
CorrWatch: MPB shkeli ligjin, vendosi në listë të ngushtë kandidatë që s’i plotësonin kriteret për drejtor të ASHI-së
Lajmet kryesore
-
Sondazhi: VV dhe Guxo 41%, PDK 19.6, LDK 19.2 dhe AAK-Nisma 6%
-
Ols Rama shpjegon nga SPAK të vërtetën e tij për “Xibrakën”
-
Trump, “fituesi” i debatit të Atlantës: Strategjia ‘prit dhe shih’ dhe 30 lajme të rreme në fjalën e tij
-
Censi: Në Tiranë jetojnë 32% e popullatës, Kukësi dhe Gjirokastra më pak të banuarit