![](https://albanianpost.com/wp-content/uploads/2023/05/oliver-ivanovic-mesto-ubistva1-copy-830x0-650x358-1.jpg)
Gjykata Themelore në Prishtinë, të premten, ka shpallur aktgjykim dënues për të akuzuarit në rastin e vrasjes së politikanit serb në Kosovë, Oliver Ivanoviç-it.
Nedelkjo Spasojeviç është dënuar me 4 vjet e 6 muaj burgim, duke u llogaritur edhe paraburgimi dhe arresti shtëpiak.
Spasojeviç gjithashtu është dënuar me gjobë prej 4 mijë e 500 euro, me opsion të zëvendësohet me burgim.
Marko Roshiç është dënuar me 10 vjet burgim, duke llogaritur paraburgimin dhe arrestin shtëpiak, dhe është gjobitur me 10 mijë euro me opsion të zëvendësohet me burgim.
Dragisha Markoviç dhe Zharko Jovanoviç janë dënuar me nga 4 vjet burgim.
Ndërkohë Jovanoviç-it i është shqiptuar edhe gjoba prej 1 mijë e 500 euro, me opsion të zëvendësohet me burgim.
Në anën tjetër, Silvana Arsoviç është liruar nga akuza.
![](https://albanianpost.com/wp-content/uploads/2024/06/GJK.jpg)
Ivanoviç u vra më 16 janar të vitit 2018 para ndërtesës së partisë në Mitrovicën e Veriut – komunë e banuar me shumicë serbe – në pjesën veriore të Kosovës.
Ivanoviç ishte qëlluar me armë zjarri me 6 plumba përballë zyrave të partisë së tij.
Vetura “Opel Astra” pa targa të regjistrimit e me xhama të errësuar, nga e cila ishte gjuajtur në drejtim të të ndjerit Ivanoviç ishte gjetur tërësisht e djegur në ora 09:15 min në rrugën “Vojvode Putnika”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Tahiri: Dikur më 2 korrik festonim me Amerikën – sot kjo Qeveri flet me Serbinë
-
Deklarata e 2 korrikut, Haradinaj: I dërgoi botës mesazhin e përcaktimit të shqiptarëve të Kosovës për liri e pavarësi
-
Shea thotë se dëshiron ta shohë Rutten më “bujar” ndaj Kosovës
-
Serwer: Trump e mbështet krijimin e “botës serbe” dhe ndarjen e Kosovës
Lajmet kryesore
-
Mblidhet Komisioni Hetimor i TIMS, drejtoresha e SHISH dëshmon me dyer të mbyllura
-
Operacion i përbashkët Shqipëri – Francë për goditjen e një grupi kriminal, sekuestrohet drogë me vlerë mbi 1 mln euro
-
Orbani, kërthiza e Evropës, bashkon të djathtët në pritje të Trump
-
Kosova shpall ditë zie për Kadarenë