Këtë të premte në mesditë do të protestohet në Skenderaj kundër dhunës dhe vrasjes së grave, pas vrasjes së Lirije Qerimaj nga bashkëshorti në Llaushë të Skenderajt.
Protesta paqësore është organizuar nga OJQ Gratë Intelektuale të Drenicës dhe nis në ora 12:00 nga sheshi “Adem Jashari”, për të vazhduar te Gjykata, ndërsa marshi përfundon para stacionit policor.
“Ne si gra kërkojmë dënim maksimal për dorasin”, thuhet në njoftim.
Në anën tjetër, Ministrja e Drejtësisë, Albulena Haxhiu, pas vrasjes së një gruaje në fshatin Llaushë të Skenderaj nga burri i saj, i ka bërë përgjegjëse institucionet e vendit.
“Prandaj përveç dënimit maksimal për vrasësin, urgjentisht duhet të ndërmerren masa disiplinore e penale ndaj të gjithë atyre që nuk mbrojtën jetën e të ndjerës”, ka shkruar Haxhiu në Facebook të enjten.
“Edhe sa gra duhet të vriten nga bashkëshortët, në mënyrë që të ketë veprime dhe reagime të menjëhershme në rastet e dhunës në familje”.
Sipas saj, “nuk kanë vend në institucione këta njerëz”.
Më pesë janar, një grua është vrarë me armë zjarri në fshatin Llaushë të Skenderajt të mërkurën pasdite.
Si pasojë e plagëve, gruaja ka vdekur dhe i dyshuari është arrestuar derisa këtij të fundit i është sekuestruar edhe arma.
/Albanianpost.com-
Ambasada amerikane në Kosovë, ngrit flamurin në gjysmështizë për të nderuar viktimat e Teksasit
-
Muja, kundërshtar i pakompromis i tërheqjes së 30% të Trust-it: “Do ta kundërshtoj fuqishëm edhe në Kuvend”
-
Familjarët në zi për fëmijët e vrarë në shkollën e Texas-it
-
“Shqipëria mirëpret nga ajri dhe deti mysafirët e finales evropiane”
