Voskopoja, destinacioni i preferuar i shqiptarëve për festa

Turizmi malor është shndërruar në një nga tendencat më të pëlqyera të shqiptarëve. Voskopoja është një nga ato destinacione, që po tërheq më shumë vizitorë për të kaluar pushimet e fundvitit.

Ajo ndodhet 21 kilometra larg nga qyteti i Korçës, në një lartësi prej 1 mijë e 600 metrash mbi nivelin e detit.

Praktikimi i skive është një nga arsyet kryesore që vizitorët zgjedhin për t’i kaluar pushimet dimërore në këtë vend. Ajri i pastër, uji i freksët dhe kurativ janë gjithashtu veti të tërheqjes së vizitorëve.

Në skajin juglindor pikasin malet e mbuluara nga dëbora. Pyjet janë vendi i duhur edhe për të apasionuarit pas gjuetisë.

Kuzhina tradicionale e me ushqime bio është një tjetër arsye që i nxit shqiparët të marrin sërish rrugën drejt saj. Gjatë dimrit në lokale gatimet më të preferuara mbeten mishi i pjekur, lakrori dhe turshitë.

Për disa vite rresht, vendi juglindor vazhdon të mbetet preferenca e shumë prej familjeve shqiptare, të cilat zgjedhin të ftohtin dhe aventurat në dëborë për t’i kaluar festat ndryshe nga ditët e zakonshme.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.