Kompania Volkswagen do të krijojë sipërmarrje të përbashkëta me Huayou Cobalt dhe Tsingshan Group për të siguruar furnizime me nikel dhe kobalt për automjetet elektrike në Kinë.
Lëvizja vjen edhe si një tentativë për të ulur kostot në një kohë të rritjes së çmimeve të lëndëve të para.
Investimi prej 30 miliardë eurosh ndihmon për të ndërtuar një rrjet fabrikash të qelizave të baterive dhe për të siguruar akses më të drejtpërdrejtë në lëndët e para jetike që nevojiten për furnizimin e tyre.
Volkswagen, Huayou Cobalt dhe Tsingshan kanë nënshkruar një memorandum mirëkuptimi për një sipërmarrje të përbashkët në Indonezi.
Atje ndodhet më shumë se 10 për qind e rezervave botërore të mineralit të nikelit.
Pas zgjerimit, sipërmarrja do të jetë në gjendje të furnizojë lëndë të para për bateritë e automjeteve elektrike me vlerë 160 gigavat për orë.
Çka korrespondon me një prodhim vjetor prej rreth 120 mijë ton nikel dhe 15 mijë ton kobalt.
“Bashkëpunimi synon të arrijë avantazhe të konsiderueshme në kosto, të sigurojë furnizimin e lëndëve të para dhe të arrijë një zinxhir furnizimi transparent dhe të qëndrueshëm”, ka treguar kompania.
Dhe se “të dy partneritetet synojnë të kontribuojnë në objektivin afatgjatë për një ulje të kostos nga 30 deri në 50 për qind për secilën bateri”.
Këtë vit, çmimet globale të nikelit janë rritur pothuajse 400 për qind për shkak të krizës në Ukrainë, pasi Rusia është një furnizues kryesor dhe vendosja e sanksioneve ndaj Moskës nga Perëndimi e përkeqësuan situatën.
Tsingshan është bërë prodhuesi më i mirë i nikelit në botë falë zhvillimit të një procesi me kosto të ulët për prodhimin e metalit. Tashmë ka investime të mëdha në Indonezi.
Lëvizja e Volkswagen-it vjen pasi rivalët si Tesla, nisën rritjen e çmimeve të makinave elektrike për shkak të kostove më të larta të lëndës së parë.
Marrë nga “Reuters”, përshtatur për “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
