Auto

Volkswagen do të vendosë për fabrikën e baterive të Evropës Lindore në vitin 2022


Volkswagen, prodhuesi më i madh i makinave në Evropë, planifikon të vendosë në gjysmën e parë të vitit 2022 për vendndodhjen e një fabrike të planifikuar të qelizave të baterive në Evropën lindore.

Që në nisje të këtij viti, prodhuesi ka njoftuar planet për të ndërtuar gjashtë fabrika të mëdha të qelizave të baterive në të gjithë Evropën deri në fund të dekadës.

Këtu përfshihej Hungaria, Polonia, Sllovakia dhe Republika Çeke.

Agjencia e lajmeve, “Reuters”, tregon se Volkswagen është ende duke planifikuar vendndodhjen e uzinës për gjashtë muajt e parë të vitit të ardhshëm.

“Siç e dini, ajo që duhet të merret parasysh për këtë vendim janë kushtet përkatëse të vendit, mjedisi ekonomik, strategjia e lëvizshmërisë elektronike dhe kuadri i subvencioneve”, ka thënë një zëdhënës i kompanisë.

Ai ka thënë se shefi ekzekutiv, Herbert Diess dhe Thomas Schmall, anëtar bordi përgjegjës për teknologjinë, po vizitonin Republikën Çeke për një shkëmbim me njësinë Skoda, si dhe strategjinë e elektrifikimit të vendit.

Më herët, ministri çek i industrisë, Karel Havlicek, ka thënë se Volkswagen-i e kishte vonuar vendimin.

“Supozohej se ata do të vendosnin deri në fund të vitit, tani ajo është zhvendosur në mesin e vitit 2022, jo vetëm në lidhje me Republikën Çeke”, ka thënë Havlicek për “Reuters”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore