Biznes

Vodafone rrit dominimin në tregun shqiptar


Autoriteti i Komunikimeve Elektronike dhe Postare (AKEP) ka deklaruar ditën e premte se operatori kryesor celular në Shqipëri, Vodafon Albania, ka rritur dominimin e saj nga 46.7% në 47.5% në tregun shqiptar.

Kompania celulare Vodafone, falë ofrimit të ofertave të fundit, ka zgjeruar më tutje kontrollin e saj në Shqipëri.

Sipas statistikave të deklaruar nga AKEP, ështe vënë re një ulje e besimit të konsumatorit shqiptar kundrejt kompanisë One, e cila zotëron 36.4% të tregut nga 36.8% që zotëronte vitin e kaluar në të njejtën kohë.

Gjithashtu ulje kanë pësuar dhe operatorët e tjerë në vënd.

Statistikat tregojnë se në pesë vitet e fundit, tregu i shërbimeve celulare në Shqipëri po bëhet më i përqendruar dhe më pak konkurrues. Kjo tendencë është e kundërt me trajektorën e përgjithëshme të tregjeve europiane, ku në 20 vitet e fundit përqendrimi i tregjeve është në rënie të vazhdueshme.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore