Me ftesë të autoriteteve shtetërore të Estonisë, Presidentja e Republikës së Kosovës, Vjosa Osmani, ka udhëtuar drejt këtij vendi ku do të qëndroj për dy ditë.
Gjatë kësaj vizite, Osmani, takim do të zhvilloj me homologen e saj në Estoni, presidenten, Kersti Kaljulaid.
Mes të tjerash, Osmani, pritet të takohet edhe me presidentin e Parlamentit, Juri Ratas, kryeministren, Kaja Kallas si dhe kryesuesin e Komitetit për çështje evropiane, Siim Kallas.
Presidentja e Republikës së Kosovës, e ka cilësuar si pozitive ftesën e saj për vizitë në Estoni.
“Një mundësi e mirë për krijimin e urave të bashkëpunimit dhe promovimin e kompanive kosovare në vendin që njihet në nivel global për zhvillim të sektorit të teknologjisë informative”, ka shkruar Vjosa Osmani në llogarinë e saj zyrtare në Facebook.
Në ditën e dytë të vizitës, Osmani, do t’i kushtohet agjendës transformuese digjitale, ku edhe pritet të realizohen vizita në “E-Estonia Briefing Center” dhe “Telliskivi Creative City”.
Bashkë me Vjosën, drejt Estonisë kanë fluturuar edhe delegacioni i përbërë nga përfaqësues të tri kompanive të sferës së inovacionit nga Kosova.
Pjesë e delegacionit është, Mërgim Cahani nga “Gjirafa”, Jeta Zagraxha nga “UCX” dhe Uranik Begu nga “ICK”.
Presidentja Osmani ka theksuar se vizita në Estoni do t’i hapë rrugë vendosjes së bashkëpunimit bilateral ndërmjet dy shteteve, por edhe ndërmjet bizneseve.
Sipas Osmanit Kosova mund të përfitojë nga përvoja e Estonisë në fushën e teknologjisë informative, ekonomisë, mbrojtjes, sigurisë, arsimimit, shëndetësisë, turizmit si dhe shkëmbimit kulturor.
Ndryshe, Republika e Estonisë e ka njohur Republikën e Kosovës me datë, 21 shkurt të vitit 2008.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
BQE ushtron presion mbi bankat evropiane: Largohuni menjëherë nga Rusia – Moska kërcënon me shpronësim
-
Sullivan pritet të takojë Netanyahun, i cili është nën presion politik
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Kosova dhe ShBA-ja nënshkruajnë marrëveshje kundër manipulimit të informacionit nga shtetet e huaja
Lajmet kryesore
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Promovimi i barazisë, përfshirjes sociale dhe mosdiskriminimit në Shqipëri
-
Sullivan pritet të takojë Netanyahun, i cili është nën presion politik
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit