Presidentja në detyrë e Republikës së Kosovës, Vjosa Osmani, ditën e martë, nis vizitën dy ditore në Bruksel.
Fillimisht, Osmani do të ketë një takim me Presidentin e Parlamentit Evropian (PE), David Sassoli. Në kuadër të takimeve, Osmani, do të takohet dhe me Komisionerin e Bashkimit Evropian (BE) për Fqinjësi dhe Zgjerim, Oliver Varhelyi.
Gjatë qëndrimit në Bruksel, presidentja e Kosovës, do të takohet edhe me deputetët e Parlamentit Evropian, që janë në Grupin e Miqësisë së Kosovës në PE: zëvëndës presidenti i PE-së, Rainer Wieland; anëtarin e Partisë Popullore Evropiane (PPE), Lukas Mandl; raportuesen për Kosovën në PE, Viola von Cramon- Taubade; anëtarin e grupit Renew Europe, Ilhan Kyuchyuk; dhe nënkryetarin e PPE-së, Andrey Kovatchev,.
Ndërkohë në mbrëmje, Osmani do të ketë një takim me emisarin e BE-së, Miroslav Lajčăk, ndërmjetësues në dialogun Prishtinë-Beograd.
Të mërkurën, Osmani do të takohet me presidenten e Dhomës së Përfaqësuesve, Eliane Tillieux dhe presidenten e Senatit të Belgjikës, Stéphanie D’Hose.
Vjosa Osmani e mori detyrën e Presidentetit të Kosovës, më 5 nëntor të 2020, pas dorëheqjes së Hashim Thaçit nga ky post. Ish-presidenti , u thirr nga Gjykata Speciale e Hagës, nën akuzë për krime lufte dhe krime kundër njerëzimit.
Marrja e detyrës nga Osmani bazohet në nenin 90 të Kushtetutës së Kosovës për mungesën e përkohshme të presidentit.
Sipas Kushtetutës, detyra e presidentit të përkohshëm, nuk mund të ushtrohet për një periudhë më të gjatë se gjashtë muaj. /AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE
-
Thaçi: Ëndrra ime është që të gjithë shqiptarët të jetojnë në një shtet
-
Thaçi për koalicionin me Ahmetin: E bëra për avancimin e shqiptarëve në Maqedoni të Veriut
-
Aksesi në SEPA avancon Kosovën drejt BE-së, thotë Bislimi
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE