Vitia: Projektligji për shëndetin riprodhues hap rrugën që shërbimi të ofrohet në institucione publike pa kosto shtesë

Ministri i Shëndetësisë, Arben Vitia pas miratimit të projektligjit për shëndet riprodhues dhe fertilizim të asistuar mjekësor ka thënë se kjo rrugë hap mundësinë që ky shërbim të ofrohet në institucionet publike të Kosovës.

Vitia, përmes një shkrimi në rrjetin social ‘Facebook’ ka thënë se shpenzimet për këtë shërbim janë mjaft të mëdhaja e në rastet më të shpeshta familjarët kanë shpenzuar të gjithë buxhetin për të marrë këtë shërbim.

“Udhëtimet e shpenzimet janë kaq të mëdha saqë shumë familje kanë shpenzuar të gjitha kursimet e tyre, e jo rrallë edhe pronat, vetëm për ta siguruar këtë trajtim”.

“Finalizimi i këtij ligji në hapin e ardhshëm nga Kuvendi do të hapë rrugën për këtë shërbim kaq të vyeshëm në institucionet tona publike dhe pa kosto shtesë”, ka shkruar Vitia.

Ai tutje ka sqaruar edhe qëllimet e ligjit.

“Ky ligj veçanërisht ka si qëllim sigurinë dhe monitorimin e  rregullsisë në të gjitha procedurat për fertilizimin e asistuar”.

“Kjo është një nismë që mbështet drejtpërdrejt familjet e qytetarëve tanë”.

Deputetët e Kuvendit të Kosovës këtë të mërkurë, kanë votuar në parim projektligjin për shëndetin riprodhues dhe fertilizim të asistuar mjekësor.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.