Në vitin 2021, Shqipëria përjetoi rënien më të madhe të popullsisë në dy dekada. Numri i popullsia ra me 1.3% gjatë vitit.
Të dhënat nga zyra e statistikave INSTAT treguan se më 1 janar 2022, popullsia ishte 2 milionë e 793 mijë e 592, me një rënie prej 1,3% krahasuar me 1 janar të vitit të kaluar.
Rritja natyrore (lindjet minus vdekjet) u kthye negative për herë të parë, duke shkuar në -3 mijë e 296, shkruan INSTAT.
Shqipëria vazhdoi të përjetonte emigracion masiv, me 42 mijë e 48 njerëz që u larguan nga vendi gjatë vitit, kundrejt vetëm 9 mijë e 195 emigrantëve. Kjo e la Shqipërinë me migrim neto prej -32 mijë e 853, krahasuar me -16 mijë e 684 në vitin 2020, kur lëvizshmëria u pengua nga pandemia e coronavirus-it.
Mosha mesatare e popullsisë u rrit pak nga 37.6 më 1 janar 2021 në 38.2 më 1 janar 2022.
Në të njëjtën periudhë, raporti i varësisë së të rinjve (numri i personave që nuk janë në moshë pune, 0-14, krahasuar me numrin e personave në moshë pune, 15-64 vjeç) u ul nga 24,2% në 24,0%. Raporti i varësisë së të moshuarve (numri i personave mbi moshën e punës, 65+, krahasuar me ata në moshë pune) u rrit nga 22.3% në 23.1%.
Raporti gjinor i popullsisë ishte 98.6 meshkuj me 100 femra, krahasuar me 99.3 meshkuj ndaj femra në fillim të vitit 2021.
Megjithatë, kishte 107.5 djem të lindur për çdo 100 vajza, nga 106.6 djem për çdo 100 vajza në vitin 2020.
“Abortet e paragjykimit me selektim gjinor vazhdojnë të ndodhin në Shqipëri. Preferenca për trashëgimtarët meshkuj, rënia e shpejtë e normave të fertilitetit dhe abortet me përzgjedhje gjinore kanë anuar raportin e seksit të lindjeve”, thuhet në një raport të OECD-së për vitin 2021.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
