![](https://albanianpost.com/wp-content/uploads/2023/04/real-madrid-cf-v-sevilla-fc-la-liga-santander-1-1.jpg)
Vinicius Junior tha se Carlo Ancelotti është trajneri më i mirë në botë dhe dëshiron që italiani ta stërvitë atë si në Real Madrid ashtu edhe në Brazil.
Sulmuesi brazilian shkëlqeu në mbrëmjen e kaluar me Real Madrid-in, duke asistuar në dy golat e fitores së tyre ndaj Chelsea-t në ndeshjen çerekfinale të Ligës së Kampionëve.
Në prononcimin pas ndeshjes, Vinicius lëshoi mesazhe dashurie për Reali-n dhe trajnerin e tyre.
“Ancelotti është trajneri më i mirë në botë, për mua dhe për të gjithë lojtarët e ekipit. Shpresoj se ai mund të më stërvitë në të dyja, në Real Madrid ose në Brazil”, tha Vinicius Junior.
“Do të doja të qëndroja përgjithmonë te Reali, është klubi më i mirë në planet. Është emocion i veçantë të luash në Ligën e Kampionëve”, shtoi braziliani.
Sulmuesi brazilian ka zbuluar formën e tij më të mirë nën urdhërat e Ancelotti-t dhe ka shënuar 21 gola dhe 16 asistime në 45 paraqitje në të gjitha garat.
Mes tjerash, Vinicius dha një paralajmërim për shokët e tij të skuadrës që të jenë të kujdesshëm në ndeshjen e kthimit në “Stamford Bridge”, pavarësisht se kishin një avantazh prej dy golash që në ndeshjen e parë.
“Ne duhet të qëndrojmë të fortë edhe për raundin e dytë. Ne e dimë se është e komplikuar, por ne jemi në formë të mirë fizike”, tha braziliani.
“Gjithmonë duam të fitojmë me shumë gola. Është shumë e vështirë të luash kundër Chelsea-t, i cili luan me tre qendërmbrojtës plus dy të plotë. Mbrojtësit që zbresin për të mbrojtur dhe është shumë e vështirë”, shtoi ai.
Kujtojmë që Vinicius u shpall edhe lojtari më i mirë i ndeshjes në mbrëmjen e kaluar.
Real Madrid-i ndeshjen e radhës do ta luajë ndaj Cadiz-in në La Liga, para se të martën të udhëtojnë në Londër për t’u përballur me Chelsea-n.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com