Real Madrid-i fitoi ndeshjen e parë përballë Liverpool-it në çerekfinalet e Champions League-s me rezultat masiv 3-1.
Ishte 20-vjeçari Vinicius Junior ai i cili ishte protagonist absolut i kësaj ndeshje të madhe.
Ndeshja filloi me dominim të mbretërorëve, ashtu siç shkoi pothuajse gjithë takimi.
Pas 27 minutave në gjysmefushën e Liverpool-it, ishte Kroos që me një pasim milimetrik rreth 60 metra gjeti Vinicius-in.
Ky i fundit, për mrekulli pranoi topin me gjoks duke e ulur në vend për të djathën e tij, dhe pastaj duke e mposhtur Alisson-in me lehtësi.
Pas nëntë minutash, në të 36-ën, Asensio për mrekulli shfrytëzoi gabimin nga Alexander-Arnold, dhe shënoi për 2-0.
15 minutëshin e vetëm që Liverpool-i dominoi, atë në fillim të pjesës së dytë, të kuqt e shfrytëzyan për mrekulli.
Ishte Salah që në të 51-ën i dha anglezëve golin e vlefshëm si mysafir.
Në një kundërsulm të dështuar ishte anësorja që Asensio fitoi ajo që solli golin e tretë për Real-in.
Vinicius, njeriu i ndeshjes, shënoi të dytin personal.
Deri në fund ndeshja nuk ndryshoi, me rezultatin final që ishte 3-1.
Real Madrid-i mund të shkoj në “Anfield” pak më e relaksuar, në ndeshjen që luhet pas një jave, me datë 14 prill.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Zgjedhjet në Maqedoni të Veriut: Vendvotimet u hapën në kohë – nuk raportohet për asnjë parregullsi
-
Ligji i ri i tatimeve për profesionet e lira është i drejtë, sipas FMN
-
Gjenerali ukrainas Skibitsky: Tani nuk mund të fitojmë, kështu që Evropa është në rrezik
-
30% e shqiptarëve jetojnë në kushte të vështira