![](https://albanianpost.com/wp-content/uploads/2023/02/Milo-gjukanovic.jpg)
Gazeta malazeze “Vijesti”, të shtunën, ka raportuar se ndaj ish-presidenti të Malit të Zi, Millo Gjukanoviç, ishte planifikuar një atentat.
Një burim i afërt me Gjukanoviç-in i ka thënë gazetës malazeze se për planifikimin e një atentati ndaj tij janë informuar nga një ish-zyrtar i lartë ushtarak i Kosovës.
Sipas këtij burimi të Vijestit, zyrtari i lartë ushtarak, i ka njoftuar ata se një grup i organizuar kriminal nga një shtet fqinj po planifikon të kryej një vrasje, në bashkëpunim me shërbimet e sigurisë së një vendi tjetër fqinjë.
Ndërkohë kabineti i Gjukanoviç-it të shtunën e ka konfirmuar se kanë pranuar një informacion të tillë.
“Ish-presidenti ka pranuar informatën e sipërpërmendur nga zyrtarë të caktuar ndërkombëtarë nga komuniteti i inteligjencës, dhe me atë informacion ai i ka informuar autoritetet shtetërore”, i kanë thënë “Vijestit” nga kabineti.
Nga ky kabinet nuk kanë treguar se nga kush dhe kur e ka pranuar Gjukanoviçi këtë informacion.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com