Pas certifikimit të rezultateve nga Komisioni Qendror i Zgjedhjeve, Lëvizja Vetëvendosje në Prizren ka bërë të ditur se do ta ushtroj të drejtën për ankesë në rezultat.
“Sipas dëshmive ka pasur presione ndaj votuesve në hyrjet e vendvotimeve, tendencë për ndryshimin e vullnetit qytetar në javën e fushatës përmes shpërndarjes së parave dhe të mirave materiale, por edhe kërcënime ndaj komuniteteve në Prizren dhe në disa regjione të Prizrenit”, thuhet në reagimin e VV-së në Prizren.
Sipas VV-së, disa nga ngjarjet që kanë ndodhur në ditën e zgjedhjeve në Prizren, japin indikacion që është devijuar vullneti qytetar.
“Vonesa e raportimit të rezultateve nga disa vendvotime, ku pjesëmarrja deri në orët e vona ka qenë shumë e ultë dhe pastaj kemi pasur një rritje të madhe të numrit të votuesve si dhe dëshmitë për nënshkrimet e votuesve të cilët nuk kanë qenë në Kosovë në ditën e votimit jep indikacione që është devijuar vullneti qytetar”.
Ndërsa, ka kërkuar nga organet kompetente të hetuesisë që të gjitha këto raste të hetohen dhe që të verifikohen nënshkrimet në librin e votuesve.
“Përfundimisht raportimet e qytetarëve për ditën e zgjedhjeve dhe për procesin zgjedhor, lënë hapësirë për shumë dyshime që duhet të hetohen nga organet kompetente”, thuhet në reagim.
Në garën e balotazhin për kryetar të komunës së Prizrenit ishin Mytaher Haskuka nga Lëvizja Vetëvendose dhe Shaqir Totaj nga Partia Demokratike e Kosovës.
Pas numërimit të gjitha votave të rregullta, Shaqir Totaj nga PDK ka marrë 27 mijë e 17 vota apo 51,01 për qind, ndërsa Mytaher Haskuka nga LVV ka marrë 25 mijë e 942 vota apo 48,99 për qind.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Refik Halili ngre padi kundër shtijes së aksioneve të tij në ankand
-
BQK: Vlera e kredive të reja për muajin mars arriti gati 300 milionë euro
-
Rama i përgjigjet sërish Rai-t: Mos bini pre e gabimit të parë, mbylleni këtë faqe jo të lavdishme
-
Qytetarët e Maqedonisë së Veriut u drejtohen kutive të votimit – nuk raportohet për asnjë parregullsi në procesin zgjedhor
Lajmet kryesore
-
Rama i përgjigjet sërish Rai-t: Mos bini pre e gabimit të parë, mbylleni këtë faqe jo të lavdishme
-
Sot nis zbatimi i Amnistisë Penale, përfitojnë 3 mijë e 800 të dënuar
-
Senati amerikan miraton paketën historike për Ukrainën, Izraelin dhe Tajvanin
-
Qytetarët e Maqedonisë së Veriut u drejtohen kutive të votimit – nuk raportohet për asnjë parregullsi në procesin zgjedhor