“Veç në Ukrainë gratë jetojnë më keq se në Kosovë” – S’ka fare reagime për gjetjet skandaloze të raportit ndërkombëtar
Sipas Indeksit për Gratë, Paqen dhe Sigurinë të vitit 2023, Kosova është vendi më i keq në Evropë për të jetuar si grua.
Më keq se Kosova rezulton të jetë vetëm Ukraina.
Ky indeks është krijuar nga Instituti i Oslos për Kërkime Paqeje (PRIO).
Mediumi ka nxjerrë raportin vetëm për Evropë, ndërsa në ranglistën botërore Kosova qëndron në pozitën e 100-të.
Në të dhëna janë matur përfshirja, drejtësia dhe siguria për gratë.
Janë përdorur 13 matës nga shkollimi deri te ligjet e punësimit e tek perceptimi për sigurinë dhe dhunën.
Nëntë nga dhjetë shtetet më të mira të botës për të qenë grua janë në Evropë. Danimarka i prin listës, me trefish më shumë pikë se Afganistani që është vendi i fundit.
Pas Danimarkës, në renditje janë Zvicra dhe Suedia.
Ukraina është e fundit në Evropë, nga 41 shtete, që përformoi tejet ulët në sektorin e sigurisë, për shkak të luftës.
Pikët e ulëta për Kosovën iu atribuuan shkollimit të dobët dhe nivelit të ulët të punësimit për gratë si dhe “niveleve shumë të larta” të vdekjeve të grave gjatë lindjeve.
Azerbajxhani ishte i treti për së keqi, për shkak të preferencës që të ketë lindje të djemve më shumë se të vajzave.
Ndërsa nga institucionet e Kosovës, s’ka pasur asnjë reagim lidhur me renditjen e Kosovës në këtë indeks.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Pas gjashtë orësh, përfundon Konventa e Partisë së Lirisë
-
Realizuam procedurën e paraaplikimit në SEPA, thotë ministri Mete
-
Nga Benetton te Metro, kompanitë nga e gjithë Evropa që ende bëjnë biznes në Moskë
-
Raporti i DASH-it përmend Rozeta Hajdarin e Liza Gashin si të dënuara për mos-deklarim të pasurisë